Mbeya City nafasi ya Pili,waivuta Yanga SC hadi nafasi ya 3 baada ya kuichapa Rhino Rangers ya Tabora Bao 3-1.

Wagonga nyundo wa Mbeya, klabu ya Mbeya City wameibuka na ushindi wa mabao 3-1 dhidi ya maafande wa Rhino Rangers katika mchezo wa ligi kuu soka Tanzania bara ndani ya dimba lao la Sokoine jijini Mbeya  Jana March 08,2014.

Ligi Kuu Vodacom, iliendelea Leo March 08,2014 na huko Uwanja wa Sokoine, Jijini Mbeya, Wana wa Nyumbani, Mbeya City, wameicharaza Rhino Rangers ya Tabora Bao 3-1 na kukamata Nafasi ya Pili na kuwashusha Mabingwa Watetezi Yanga toka Nafasi hiyo.

Mbeya City sasa wamecheza Mechi 21 na wana Pointi 39 wakiwa Pointi 1 moja mbele ya Yanga SC, ambao wamecheza Mechi 17 tu, na Pointi 1 nyuma ya Vinara Azam FC waliocheza Mechi 18.

Huko Mkwakwani, Tanga, Wenyeji Coastal Union walitoka 0-0 na Ashanti United na huko Uwanja wa Mabatini, Mlandizi, Mkoani Pwani, Ruvu Shooting iliitungua JKT Oljoro Bao 1-0 kwa Bao la Ayub Kitala.

Ligi itaendelea Jumapili kwa Mechi mbili huko Mbeya na Dar es Salaam ambako Uwanja wa Sokoine, Mbeya, utakuwa na Mechi ya Tanzani Prisons na Simba SC na huko Azam Complex, Chamazi, Viunga vya Dar es Salaam, JKT Ruvu watacheza na Mtibwa Sugar.

LIGI KUU VODACOM TANZANIA BARA 2013/2014.

Jumapili Machi 9,2014.

Tanzania Prisons v Simba

JKT Ruvu v Mtibwa Sugar

MATOKEO.

Jumamosi Machi 8,2014.

Coastal Union 0 Ashanti United 0

Mbeya City 3 Rhino Rangers 1

Ruvu Shooting 1 JKT Oljoro 0

MSIMAMO.

NA	TIMU	P	W	D	L	GD	PTS
1	Azam FC	18	11	7	0	23	40
2	Mbeya City	21	10	9	2	10	39
3	Yanga SC	17	11	5	1	29	38
4	Simba SC	20	9	8	3	17	35
5	Kagera Sugar	20	7	8	5	2	29
6	Ruvu Shooting	20	7	7	6	-4	28
7	Coastal Union	20	5	11	4	5	26
8	Mtibwa Sugar	19	6	7	6	0	25
9	JKT Ruvu	20	7	1	12	-14	22
10	Prisons FC	18	3	9	6	-3	18
11	Mgambo JKT	20	4	6	10	-17	18
12	Ashanti United	21	4	6	11	-18	18
13	JKT Oljoro	21	2	9	10	-16	15
14	Rhino Rangers	21	2	7	12	-14	13