Taswira ya mchezo wa Ligi Kuu Uingereza Liverpool ikiponea chupu chupu huku Manchester United yasalia nafasi ya saba.

Arsenal imepoteza nafasi ya kurejea tena kileleni mwa ligi kuu ya Premier, baada ya kutoka sare ya kutofungana bao lolote na Manchester United katika uwanja wao wa nyumbani wa Emirates.

Olivier Giroud naye alipoteza nafasi nzuri zaidi ya Arsenal ya kufunga Man United.

Aliyekuwa mchezaji wa Arsenal Robin Van Persie, nusura aifunge klabu yake ya zamani lakini juhudi zake zilizimwa na Wojciech Szczesny.

England manager Roy Hodgson and former Manchester United boss Sir Alex Ferguson na Kufuatia sare hiyo, kocha wa Manchester United United David Moyes ataendelea kusubiri muda mrefu zaidi kabla ya kuandikisha ushindi wake wa kwanza katika uwanja wa Emirates.

Vijana hao wa Arsene Wenger, walikuwa wakijaribu kufuta aibu waliopata wiki iliyopita wakati walipofungwa magoli 5-1 na Liverpoool nayo Manchester United, kwa upande wake ilikuwa ikijinasua baada ya kutoka sare ya kufungana magoli mawili kwa mawili na Fulham mwishoni mwa juma lililopita.

Licha ya kuwa mechi hiyo ilikosa ladha ya hadhi ya timu mbili kuu zinapocheza, pande hizo mbili zilipoteza nafasi nyingi za kufunga.

Arsenal inabaki nafasi ya pili kwa kutimiza pointi 56 baada ya kucheza mechi 26 sawa na Chelsea yenye pointi 57 kileleni. United yenyewe imejiongezea moja na kufikisha 42 baada ya kucheza mechi 26 na inaendelea kukaa nafasi ya saba.

Steve Gerrard aliifungia Liverpool, kupitia mkwaju wa penalti dakika za mwisho mwisho na kuisaidia klabu yake kuilaza Fulham 3-2.

Bao la kujifunga la Kolo Toure, liliipa Fulham uongozi kabla ya Daniel Sturridge kusawazisha.

Lakini kadri mechi hiyo ilipoendelea Fulham, walionyesha mchezo mzuri na kuongeza bao la pili kupitia mchezaji Kieran Richardson baada ya mlinda lango wa Liverpool Martin Skrtel kufanya masihara, kwenye eneo la hatari.

Uongozi wa Fulham hata hivyo haukudumu kwa muda, pale Phillippe Coutinho kuisawazishia Liverpool.

Timu hizo mbili zilionekana kugawana alama moja kila mmoja lakini Liverpool, ilibahatika pale Sascha Riether alipomfanyia madhambi Daniel Sturridge katika muda wa ziada.

Nahodha wa Liverpool Steve Gerrard, bila ya kusita alitinga bao la tatu na kuifanya Liverpool kuwa alama nne tu nyuma ya vinara wa ligi hiyo kwa sasa Chelsea.

Position	Team	Played	Goal Difference	Points
1	Chelsea	26	27	57
2	Arsenal	26	22	56
3	Man City	25	41	54
4	Liverpool	26	34	53
5	Tottenham	26	4	50
6	Everton	25	11	45
7	Man Utd	26	10	42
8	Southampton	26	8	39
9	Newcastle	26	-6	37
10	Swansea	26	-3	28
11	West Ham	26	-5	28
12	Aston Villa	26	-9	28
13	Hull	26	-6	27
14	Stoke	26	-14	27
15	Crystal Palace	25	-16	26
16	Norwich	26	-20	25
17	West Brom	26	-8	24
18	Sunderland	25	-13	24
19	Cardiff	26	-25	22
20	Fulham	26	-32	20

Ushindi huo ulikuwa wa tano wa Liverpool, mwaka huu na hii inamaanisha kuwa vijana hao wa Brendan Roggers wangali na nafasi ya kutwaa kombe hilo la ligi kuu mwaka huu na pia kudumisha rekodi ya kutoshindwa mechi yoyote mwaka huu.

Emmanuel Adebayor kwa mara nyingine tena alifunga magoli mawili na kudumisha harakati za Tottenham za kusalia katika nafasi nne bora kwenye msimamo wa Ligi kuu Uingereza.

Tottenham waliilaza Necastle kwa magoli 4-0.

Wakati huo huo, hali mbaya ya anga ilisababisha mechi mbili za ligi kuu ya Uingereza kuhairishwa jana usiku.

Mechi kati ya Manchester City na Everton ilihairishwa kutokana na upepo mkali ili hali mjini Everton, Polisi waliwashauri masimamizi wa klabu hiyo kuhairisha mechi yao na Cyrstal Palace kwa sababu jengo moja lililokuwa karibu na uwanja huo uliporomoka.