Huyu ndie mgombea Ubunge wa CHADEMA aliyechaguliwa kumvaa Mtoto wa Mgimwa kwenye uchaguzi jimbo la Kalenga.

Wajumbe  wa mkutano  mkuu wa kura za maoni jimbo la Kalenga  wametegua kitendawili  cha nani kati ya  makada 13 atakayevaana na CCM katika uchaguzi huo baada ya kumchagua kwa kura za kishindo mwanasheria Sinkala Mwenda kwa kura 132 dhidi ya kura 122 alizopata mpinzani  wake wa karibu Grace Tendega huku  Zuberi Mwachura  akiambulia  kura 0 katika uchaguzi huo .

Uchaguzi mdogo wa Ubunge utakaofanyika Machi 16,2014 katika jimbo la Kalenga mkoani Iringa.

Tayari kamati Kuu ya Chama cha Mapinduzi imempitisha Bw Godfrey William Mgimwa kugombea ubunge kwa tiketi ya CCM, katika uchaguzi mdogo wa Ubunge utakaofanyika Machi 16,2014 katika jimbo la Kalenga mkoani Iringa.

Mgimwa alichaguliwa kwa kura 348 za maoni za wajumbe 708 kati ya wajumbe halali 816 wa CCM katika mkutano mkuu wa jimbo hilo, na aliibuka kidedea kati ya wagombea tisa waliokuwa wakiwania nafasi hiyo.

Bw Godfrey ni Mtoto wa aliyekuwa Mbunge wa jimbo la Kalenga na pia Waziri wa Fedha, Dk. William Mgimwa ambaye ameliacha wazi jimbo hilo baada kufariki dunia.

Naibu Mkurugenzi wa Habari na Uhusiano wa Umma wa CUF, Abdul Kambaya, amesema chama chake hakina mpango wa kusimamisha mgombea katika jimbo hilo na kwamba hivi sasa wanaandaa mikutano ya kuimarisha chama chao.

Katika hatua nyingine Tume ya Taifa ya Uchaguzi imewataka wananchi wa jimbo hilo kwenda kukagua taarifa zao katika daftari la kudumu la wapiga kura, na kwamba hakutakuwa na Uandikishwaji mpya.