CHEKI MATOKEO YA LIGI ULAYA 2013/2014:- Man United wachapwa 2-1 Uwanjani Britannica huku FC Barcelona wakipigwa 3-2 Nou Camp na sasa Atletico Madrid au Real Madrid kuwapiku uongozi wa Ligi?.

Magoli mawili ya Charlie Adam yameipa Stoke City ushindi wa kwanza kabisa kihistoria dhidi ya Manchester United katika mchezo wa Ligi Kuu ya Uingereza uliochezwa Jumamosi Feb 01,2014 katika Uwanja wa Britannia…ambapo Adam alifunga mabao hayo dakika ya 38 na 52, wakati bao pekee la Man United lililofungwa dakika ya 47 na Robin van Persie.

Kiungo mpya wa United, Juan Mata alicheza kwa dakika zote 90 na hakuweza kuwaepusha Mashetani hao Wekundu na kipigo. United sasa inabaki na pointi 40 baada ya kucheza mechi 24 na inaporomoka hadi nafasi ya saba kutoka ya sita.

RVP: Robin van Persie (20) akishangilia na wenzake wa Man Utd baada ya kuifungia bao la kusawazisha dakika ya 47 ya mchezo.

Kocha wa Man Utd, David Moyes akiwa na machungu baada ya timu yake kupigwa huku wachezaji wake Jonny Evans na Phil Jones wakiumia ambapo Jones alikimbizwa hospitali.

Manchester United imeendelea kusuasua katika Ligi Kuu ya Uingereza baada ya kupokea kichapo cha bao 2-1 kutoka kwa Stoke City  jana Jumamosi (Februari 01,2014)  ikiwa ni mechi ya nane kupokea vipigo katika ligi hiyo.

Ushindi huo wa Stoke City ni wa kwanza kwenye Ligi tangu Mwaka 1984 dhidi ya Man United Uwanjani Britannica.

Mabao yote ya Stoke yamefungwa na Charlie Adam katika dakika ya 38 na 52 wakati bao la Manchester United likifungwa na Robin van Persie dakika ya 47. Kwa matokeo ya leo, Man Utd imebaki na pointi zake 40.

Katika mechi ya leo, wachezaji wawili wa Man Utd, Jonny Evans na Phil Jones waliumia ambapo Jones alikimbizwa hospitali kwa matibabu zaidi baada ya kugongana na Jon Walters wa Stoke.

    Newcastle 0 - 3 Sunderland

    West Ham 2 - 0 Swansea

    Cardiff 2 - 1 Norwich

    Everton 2 - 1 Aston Villa

    Fulham 0 - 3 Southampton

    Hull 1 - 1 Tottenham

    Stoke 2 - 1 Man Utd     

Position	Team	Played	Goal Difference	Points
LIGI KUU UINGEREZA  RATIBA MECHI ZIJAZO. [Saa za Bongo] Jumapili Februari 2,2014. 16:30 West Brom v Liverpool  19:00 Arsenal v Crystal Palace Jumatatu Februari 3,2014. 23:00 Man City v Chelsea
1	Man City	23	42	53
2	Arsenal	23	24	52
3	Chelsea	23	23	50
4	Liverpool	23	29	46
5	Everton	24	12	45
6	Tottenham	24	-1	44
7	Man Utd	24	10	40
8	Newcastle	24	1	37
9	Southampton	24	7	35
10	Aston Villa	24	-7	27
11	Stoke	24	-14	25
12	Swansea	24	-6	24
13	Hull	24	-7	24
14	Sunderland	24	-11	24
15	Norwich	24	-18	24
16	Crystal Palace	23	-16	23
17	West Brom	23	-6	22
18	West Ham	24	-9	22
19	Cardiff	24	-22	21
20	Fulham	24	-31	19

LIGI KUU SOKA HISPANIA :- LA LIGA.

 

Timu ya Valencia imefanikiwa kufanya kweli Uwanjani Nou Camp na kuichapa Barcelona Bao 3-2 na kuwaweka Mabingwa hao kwenye njia panda maana Jumapili (feb 02,2014) Atletico Madrid au Real Madrid zina nafasi kubwa kuwapiku uongozi wa Ligi.

FC Barcelona walitangulia kufunga Bao katika Dakika ya 7 Mfungaji akiwa Alexis Sanchez na Valencia kujibu na kupiga Bao mbili katika Dakika ya 44 lililofungwa na Parejo na Dakika 4 baadae kupitia Pablo Piatti.

Barca walisawazisha kwa Penati ya Lionel Messi na hilo ni Bao lake la kwanza baada kutofunga katika Mechi 3 lakini Paco Alcácer, katika Dakika ya 59, aliipigia Valencia Bao la 3 na kuwapa ushindi.

Barca walimaliza wakiwa Mtu 10 baada Jordi Alba kupewa Kadi ya Njano ya pili kwenye Dakika ya 78 na kutolewa nje kwa Kadi Nyekundu.

Ukiiondoa Real Madrid, Valencia imekuwa Timu ya kwanza kuondoka Nou Camp bila kufungwa tangu Oktoba 2011 Sevilla ilipopata Sare ya 0-0.

Matokeo haya yameiacha Barca uongozini ikiwa Pointi 54, sawa na Atletico Madrid, lakini Atletico wana Mechi moja mkononi ambayo watacheza Nyumbani kesho Jumapili na Real Sociedad wakati Real Madrid, walio Pointi 1 nyuma ya Barca na Atletico, pia watacheza Jumapili Ugenini na Athletic Bilbao.

Atletico na Real zina nafasi nzuri kuitungua Barca toka kileleni.

  

RATIBA/MATOKEO LA LIGA.

Barcelona 2 - 3 Valencia CF

    Levante 0 - 0 Rayo Vallecano

    Getafe 0 - 0 Real Valladolid

Position	Team	Played	Goal Difference	Points
1	Barcelona	22	43	54
2	Atlético Madrid	21	38	54
3	Real Madrid	21	39	53
4	Athletic Bilbao	21	14	42
5	Villarreal	21	17	37
6	Real Sociedad	21	12	36
7	Sevilla	21	5	31
8	Valencia CF	22	-4	28
9	Levante	22	-8	28
10	Espanyol	21	-2	26
11	Celta de Vigo	22	-6	25
12	Getafe	22	-12	25
13	Granada CF	22	-9	24
14	Osasuna	21	-16	22
15	Almería	21	-18	22
16	Málaga	21	-8	21
17	Elche	21	-13	21
18	Real Valladolid	22	-13	20
19	Rayo Vallecano	22	-30	17
20	Real Betis	21	-29	11

RATIBA/MATOKEO LA LIGA.

 

Jumapili Februari 2,2014.

Elche CF v UD Almeria

Real Betis v RCD Espanyol

Atletico de Madrid v Real Sociedad

Athletic de Bilbao v Real Madrid CF

Jumatatu Februari 3,2014.

Villarreal CF v Osasuna