Timu ya soka ya Taifa ya Zanzibar, Zanzibar Heroes imeanza vizuri michuano ya Kombe la Chalenji baada ya kuichapa Sudan Kusini kwa mabao 2-1.

Zanzibar Heroes imeshinda mechi yake hiyo ya ufunguzi dhidi ya Sudan Kusini kwenye Uwanja wa Nyayo jijini Nairobi, leo… Chalenji ya msimu huu 2013/2014 inatazamiwa kuwa na mvuto wa aina yake kutokana na vikosi vilivyosukwa ingawa sekretarieti ya Cecafa imeonyesha wasiwasi kutokana na mashabiki wa hapa kutokuwa na tabia ya kuhudhuria viwanjani.

Timu ya soka ya Taifa ya Zanzibar, Zanzibar Heroes leo(Novemba 27,2013)  imeanza vizuri michuano ya Kombe la Chalenji  baada ya kuichapa Sudan Kusini kwa mabao    2-1.

Zanzibar Heroes imeshinda mechi yake hiyo ya ufunguzi dhidi ya Sudan Kusini kwenye Uwanja wa Nyayo jijini Nairobi, leo.

Mechi hiyo ilikuwa nzuri na  Zanzibar wakitawala zaidi na kama wangekuwa makini basi wangeweza kushinda mabao mengi zaidi.

Zanzibar  ndio walitangulia kufunga mabao yote mawili kabla ya Sudan Kusini kupata la kufutia machozi.

Nao wenyeji wa Mashindano hayo, Kenya, Harambee Stars wameanza vibaya Kombe la Mataifa ya Afrika Mashariki na Kati, CECAFA Challenge baada ya kulazimishwa sare ya bila kufungana na Ethiopia katika mchezo wa Kundi A, Uwanja wa Nyayo, Nairobi, Kenya.

Matokeo hayo yanaifanya Zanzibar iliyoshinda 2-1 mchezo wake wa kwanza dhidi ya Sudan Kusini iongoze Kundi na kujiweka katika mazingira mazuri ya kuingia Robo Fainali.

Ethiopia waliitesa Kenya kwa soka ya ‘Kibarcelona’, huku wachezaji wa Harambee wakitumia nguvu zaidi na maarifa haba.

Allan Wanga alijaribu sana kuisumbua ngome ya Ethiopia, lakini bahati haikuwa yake jioni ya leo.

Kocha wa Kenya, Adel Amrouche Mbelgiji mwenye asili ya Algeria, hakuwepo kwenye benchi leo kuiongoza timu yake na habari zinasema amekerwa na kitendo cha wachezaji wake kutopewa posho kwa muda wote wa kuwa kambini kujiandaa na mashindano.

Chalenji ya msimu huu inatazamiwa kuwa na mvuto wa aina yake kutokana na vikosi vilivyosukwa ingawa sekretarieti ya Cecafa imeonyesha wasiwasi kutokana na mashabiki wa hapa kutokuwa na tabia ya kuhudhuria viwanjani.

Kesho (Novemba 28,2013) Kilimanjaro Stars iliyoko Kundi B, itacheza mechi yake ya kwanza Alhamisi kwa kuikabili Zambia jioni kwenye Uwanja wa Kenyatta mjini Machakos.

Mbali na mechi ya Stars mchezo mwingine wa kundi hilo utakuwa baina ya Burundi na Somalia mjini humo.

Stars, Uganda, Kenya na Ethiopia ndiyo timu zinazozungumzwa zaidi mjini Nairobi kutokana na uimara wake.

Pia mchezo wa kesho baina ya Kilimanjaro Stars na Zambia unatarajiwa kuwa na upinzani mkali kutokana na historia ya timu hizo mbili katika michuano hiyo.

MAKUNDI:

Kundi A	KUNDI B	KUNDI C
-Kenya -Ethiopia -Zanzibar -South Sudan	-Tanzania Bara -Zambia -Burundi -Somalia	-Uganda -Rwanda -Sudan -Eritrea

**FAHAMU: Timu mbili za Juu kila Kundi zitasonga Robo Fainali pamoja na Washindi wa Tatu wawili Bora.

RATIBA:

TAREHE	NA	MECHI	KUNDI	UWANJA	SAA
Jumatano Novemba 27	1	Zanzibar v South Sudan	A	Nyayo	1400
	2	Kenya v Ethiopia	A	Nyayo	1630
Alhamisi Novemba 28	3	Burundi v Somalia	B	Machakos	1400
	4	Tanzania Bara v Zambia	B	Machakos	1600
Ijumaa Novemba 29	5	Sudan v Eritrea	C	Machakos	1400
	6	Uganda v Rwanda	C	Machakos	1600
Jumamosi Novemba 30	7	Ethiopia v Zanzibar	A	Nyayo	1400
	8	South Sudan v Kenya	A	Nyayo	1600
Jumapili Desemba 1	9	Somalia v Tanzania	B	Nyayo	1400
	10	Zambia v Burundi	B	Nyayo	1600
Jumatatu Desemba 2	11	Sudan v Rwanda	C	Machakos	1400
	12	Eritrea v Uganda	C	Machakos	1600
Jumanne Desemba 3	13	South Sudan v Ethiopia	A	Machakos	1400
	14	Kenya v Zanzibar	A	Machakos	1600
Jumatano Desemba 4	15	Tanzania v Burundi	B	Nyayo	1400
	16	Somalia v Zambia	B	Nyayo	1600
Alhamisi Desemba 5	17	Rwanda v Eritrea	C	Nyayo	1400
	18	Uganda v Sudan	C	Nyayo	1600
Ijumaa Desemba 6		MAPUMZIKO
		ROBO FAINALI
Jumamosi Desemba 7	19	C1 v B2		Mombasa	BADO
	20	A1 v 3 BORA 1		Mombasa	BADO
Jumapili Desemba 8	21	B1 v 3 BORA 2		Mombasa	BADO
	22	A2 v C2		Mombasa	BADO
Jumatatu Desemba 9		MAPUMZIKO
Jumanne Desemba 10		NUSU FAINALI
	23	Mshindi 19 v Mshindi 20			BADO
	24	Mshindi 21 v Mshindi 22			BADO
Desemba 11		MAPUMZIKO
Alhamisi Desemba 12	25	Mshindi wa Tatu			1400
	26	FAINALI			1600