Rais Barack Obama wa Marekani amewasili nchini Tanzania kwenye kituo chake cha mwisho katika ziara yake ya nchi tatu za Afrika.

Rais  Obama alilakiwa na rais  wa Tanzania Jakaya  Kikwete na maelfu ya watu pamoja na kundi la wacheza ngoma na sarakasi katika uwanja wa ndege wa Dar es salaam leo  Jumatatu(Julai 01,2013).

Rais Barack Obama wa Marekani amewasili Tanzania kwenye kituo chake cha mwisho katika ziara yake ya nchi tatu za Afrika.

Rais  Obama alilakiwa na rais  wa Tanzania Jakaya  Kikwete na maelfu ya watu pamoja na kundi la wacheza ngoma na sarakasi katika uwanja wa ndege wa Dar es salaam leo  Jumatatu(Julai 01,2013).

Katika ziara yake ya siku mbili nchini Tanzania Bw.Obama atafanya mazungumzo na Rais Kikwete,  kukutana na viongozi wa biashara na kuzungumza na mkutano wa wakuu wa biashara nchini humo .

Rais Barack Obama wa Marekani

akisakata ngoma na rais Kikwete.

Tanzania ni moja ya nchi 9 ambazo zitakazoshirikishwa katika juhudi mpya aliyotangaza Rais Obama  Jumapili (Juni 30,2013) kusaidia kuongeza nguvu za umeme barani Afrika  hasa kusini mwa jangwa la Sahara.

Alitangaza mpango wa dola bilioni 7 katika hotuba yake katika chuo kikuu cha Cape Town huko Afrika Kusini na kusema itaongeza uzalishaji wa umeme maradufu kwenye bara hilo.

Pamoja na Tanzania juhudi hiyo itaanzishwa Ethiopia , Kenya , Liberia na Nigeria Uganda na Zimbabwe .

Jumapili (Juni 30,2013) Rais Obama alitembelea kisiwa cha Robben ambako Rais wa zamani wa Afrika Kusini Mzee  Nelson Mandela alifungwa kwa miaka 18 kati ya miaka 27 aliyokuwa kifungoni  kwa mapambano yake dhidi ya kupinga ubaguzi Afrika kusini.

 

Taswira mbalimbali zinazoonyesha maandalizi ya mapokezi makubwa ya Rais wa Marekani Barack Obama atapowasili Ikulu jijini Dar es Salaam mchana huu.