Marais Obama, Kikwete wajipima kwa mpira wa maajabu Dar es Salaam.

Rais wa Marekani, Barack Obama na mwenyeji wake, Rais Jakaye Kikwete walionyesha umahiri wao wa kusakata soka lakini kwa kutumia mpira usiokuwa wa kawaida.

Rais wa Marekani Barack Obama akipiga danadana za kichwa alipokuwa katika mitambo ya kuzalisha umeme ya Symbion Ubungo jijini Dar es Salaam Tanzania.

Akipiga danadana

Hebu Nipasie na mimi uone - Kikwete akisubiri kupasiwa mpira na Obama

Rais wa Marekani, Barack Obama na mwenyeji wake, Rais Jakaye Kikwete walionyesha umahiri wao wa kusakata soka lakini kwa kutumia mpira usiokuwa wa kawaida.

Viongozi hao walikuwa kivutio jana kwenye eneo la mtambo wa kufua umeme wa Kampuni ya Symbion wa Marekani.

Rais Obama alitembelea mtambo huo ulioko eneo la Ubungo, Dar es Salaam, ambako alitangaza mpango wa kusambaza umeme kwa nchi mbalimbali za Afrika unaoitwa Power Africa.

Viongozi hao walionyeshwa mpira huo, ambao uko sawa na ile inayotumika kwenye mechi za soka lakini unatumika kama chaja ya simu au umeme.

Mpira huo unaofanya kazi vizuri zaidi baada ya kuchezewa, uligunduliwa na wanafunzi wawili wa Chuo Kikuu cha Harvard cha Marekani.

Rais Obama ndiye alikuwa wa kwanza kuchukua mpira huo na akaurusha juu na kuudaka halafu akaurusha juu na kuupiga kichwa mara kadhaa.

Baadaye alitoa pasi kwa Rais Kikwete, ambaye alitoa pasi kwa Obama na kupasiana kwa muda.

Rais Obama alihoji bei ya mpira huo na alitaka kujua nguvu ya umeme inayotolewa na mpira ule.

“Kuna chombo ndani cha kuzalisha umeme. Kadiri mpira huu unavyopigwa ndiyo unatoa nguvu sawa na betri,” alisema mmoja wa viongozi wa Symbiom wakati akitoa maelezo kwa Marais Obama na Kikwete.

Hata hivyo, mpira huo ukichezewa kwa dakika 30 basi unakuwa na nguvu ya kutosha ya kufanya kazi ya chaja.

Rais Obama alisema ugawaji wa mipira ni sehemu ya mpango wake wa kusambaza umeme barani Afrika.

Rais wa Marekani, Barack Obama na mkewe Michelle, wakipanda ndege yao aina ya Air Force One, tayari kuondoka nchini kurejea nchini kwao baada ya kumaliza rasmi ziara yao katika Bara la Afrika, ambapo amemalizia ziara hiyo kwa kufanya ziara ya siku mbili nchini Tanzania. Obama na msafala wake ameondoka leo (Juni 02,2013) mchana.

Rais Obama na mkewe, wakipunga mikono kuwaaga wenyeji wao Rais Jakaya Kikwete na mkewe, Viongozi wa Kiserikali na wananchi waliofika uwanjani hapo kuwaaga leo, mchana wakati wakiondoka nchini.

Rais Jakaya Kikwete na mkewe Mama Salma Kikwete, wakipunga mikono kuwaga wageni wao Rais Obama na mkewe wakati wakiondoka nchini leo mcahana baada ya kumaliza ziara yao.

 Source:Mwananchi.