Mashindano ya FIFA ya Kombe la Mabara Nchini Brazil Hispania waichapa Nigeria Bao 3-0 na Uruguay kuibamiza Tahiti Bao 8-0.

NIGERIA 0 SPAIN 3.

Mashindano ya FIFA ya Kombe la Mabara yanayochezwa huko Nchini Brazil leo (Juni 23,2013) saa 4 usiku ,Kundi B limecheza Mechi zao za mwisho na Mabingwa wa Dunia Hispania  kuwachapa Mabingwa wa Africa Nigeria Bao 3-0 na Uruguay kuibamiza Tahiti Bao 8-0.

Matokeo hayo yamezifanya Hispania  na Uruguay kuingia Nusu Fainali ambako Hispania  itacheza na Italia na Uruguay kuwavaa Wenyeji wa Mashindano Brazil.

Katika Mchezo wa Hispania na Nigeria,Bao za Jordi Alba, mbili, na Fernando Torres zimewapa Hispania  ushindi  huo wa Bao 3-0  na hivyo kutinga Nusu Fainali kama Vinara wa Kundi B ambapo watacheza Nusu Fainali na Timu ya Pili Kundi A ambayo ni Italia.

Nao Uruguay wamefuzu kuingia Nusu Fainali baada ya kuifunga Tahiti Bao 8-0 na sasa watakutana na Wenyeji Brazil.

Magoli ya Uruguay yamefungwa na  Abel Mathias Hernandez Dakika ya 2, 24, 45 & 67 [Penati],Diego Perez 27,Nicolas Rodiero 62 na Luis Suarez 82 & 88.

 

URUGUAY 8 TAHITI 0.

Licha ya ushindi huu, Uruguay hawakuacha ile asili yao ya utukutu baada ya Mchezaji wao Andres Scotti Ponce de Leon kutolewa nje kwa Kadi Nyekundu mara baada ya kukosa kufunga Penati baada ya kupewa Kadi za Njano mbili.

Hata Tahiti walimaliza Mtu 10 baada ya Teheivarii Wagemann kupewa Kadi za Njano mbili na kutolewa kwa Kadi Nyekundu.

RATIBA YA  NUSU FAINALI

Jumanne Juni 26,2013.

[SAA 4 USIKU]

Neymar Brazil.

Brazil v Uruguay

Jumatano Juni 27,2013.

[SAA 4 USIKU]

Spain v Italy

MSHINDI WA TATU

Jumapili Juni 30,2013.

[SAA 1 USIKU]

FAINALI

Jumapili Juni 30,2013.

[Rio De Janeiro]