Chelsea na Benfica kukutana sasa kwenye Fainali ya Europa League ( Mei 15,2013) katika Uwanjani Amsterdam ArenA Nchini Uholanzi.

David Luiz

Klabu ya Chelsea  ya Nchini Uingereza na Benfica ya ureno  zikicheza viwanja vya  Nyumbani  katika mechi za Marudiano ya Nusu Fainali ya Europa League, zimeweza kushinda Bao 3-1 kila mmoja katika Mechi zao na sasa watakutana Fainali itakayochezwa hapo Mei 15,2013 katika  Uwanjani Amsterdam ArenA Nchini Uholanzi.

Chelsea sasa imeitoa FC Basel ya Uswisi kwa Jumla ya Bao 5-2 na kutinga Fainali yao ya pili Barani Ulaya kwa Miaka miwili mfululizo baada ya Mwaka jana kucheza Fainali ya  UEFA Champions League na kutwaa Ubingwa kwa kuitoa Bayern Munich kwa Mikwaju ya Penati.

Chelsea  Msimu huu walishindwa kutetea Taji hilo kwa kuweka Historia ya kuwa Bingwa wa kwanza kutolewa hatua ya Makundi na kutupwa Europa League ambako wamefanya vyema mno.

Magoli ya Chelsea yamefungwa na -Torres Dakika ya 50 -Moses 52 -Luiz 59 huku ya FC Basel  likifungwa na -Salah Dakika ya 45.

Hili ndilo Taji pekee Chelsea wanaweza kuchukua Msimu huu kwani kwenye Ligi huko England Bingwa tayari ni Man United ambao ndio Mabingwa na wao wanachowania ni kufuzu kuingia 4 Bora ili kucheza UEFA Champions League Msimu ujao.

Oscar Cardozo

Nao Benifica wakicheza kwenye uwanja wao wa  Estadio da Luz, wamemudu kuitwanga Klabu ngumu ya Uturuki Fenerbahce kwa Bao 3-1 na wao kutinga Fainali kwa Jumla ya Mabao 3-2.

Benfica walitangulia kufunga kwa Bao la Mchezaji wao stadi Gaitan lakini Fenerbahce wakasawazisha kwa Penati ya Mchezaji wa zamani wa Liverpool,  Dirk Kuyt, lakini Bao 2 za Oscar Cardozo zimeipeleka Benfica Fainali.

FAINALI - AMSTERDAM ARENA

MEI 15,2013.

Benfica v Chelsea