Monday, April 15, 2013

Home MICHEZO PICHA: Rulenge Voleball ikifungwa Vikapu 48 kwa 36 na Ngara Voleball huku Ngara Starz nao wakipokea kipigo cha bao 1-0 kutoka kwa Mukombozi FC ya Muleba,katika uwanja wa Kokoto Mjini Ngara.

PICHA: Rulenge Voleball ikifungwa Vikapu 48 kwa 36 na Ngara Voleball huku Ngara Starz nao wakipokea kipigo cha bao 1-0 kutoka kwa Mukombozi FC ya Muleba,katika uwanja wa Kokoto Mjini Ngara.

Anonymous Monday, April 15, 2013 MICHEZO,

Timu ya mpira wa kikapu Rulenge jana imeonja joto ya jiwe baada ya kufungwa Vikapu 48 kwa 36 kutoka kwa timu ya mpira wa kikapu ya Ngara.

Mchezo huo ukichezwa katika uwanja wa mpira wa kikapu mjini Ngara ,timu zote zilionekana kushambuliana kwa zamu lakini Ngara walionekana kuutumia vema uwanja wao wa nyumbani kuwapa raha ya magoli mashabiki wao.

Kutokana na ushindi huo wa vikapu 48 kwa 36 …Akisoni Masanja amsema walitaraji ushindi huo kutokana na kujituma pamoja na mazoezi waliyokuwa wakiyafanya kujianda na mchezo huo.

Nae Padri Joni Bosco akiwaongoza vijana wake wa Rulenge katika mchezo huo amesmea kilicho waangusha na kufungwa vikapu hivyo ni tatizo la ugeni wa uwanja na pia kuiomba Serikali wilayani Ngara kuweka mikakati ya Kuendeleza mchezo huo wa Kikapu .

Ngara Basket Ball Squard.

Rulenge Basket Ball Squard.

Timu zote zikiwa Uwanjani tayari kwa mchezo ambapo Ngara Basket Ball walishinda kwa Vikapu 48 -36.

Kikosi cha Ngara starz kikiwa katika picha ya pamoja katika uwanja wa Kokoto mjini Ngara,tayari kwa mchezo dhidi ya Mukombozi FC kutoka wilayani Muleba ambapo wageni Mukombozi FC walishinda bao 1-0.

Refari wa mchezo kati ya Ngara starz dhidi ya Mukombozi FC kutoka wilayani Muleba ,Seif Omary Upupu ambaye pia ni Makamu Mwenyekiti wa chama cha soka wilayani ngara NDFA, wageni Mukombozi FC walishinda bao 1-0.

Kikosi cha Mukombozi FC kikiwa katika picha ya pamoja katika uwanja wa Kokoto mjini Ngara,tayari kwa mchezo dhidi ya Mukombozi FC kutoka wilayani Muleba ambapo wageni Mukombozi FC walishinda bao 1-0.

Timu ya Ngara starz hapo jana (April 14,2013) imekubali kufumuliwa bao 1 -0 katika uwanja wake wa Nyumbani wa Kokoto,uliopo mjini Ngara ,kutoka kwa wageni timu ya Mukombozi FC ya wilayani Muleba ambayo ilikuja kucheza mchezo huo wa kirafiki pamoja na kudumisha Ujirani mwema baina ya timu hizo mbili.

Katika mchezo huo goli hilo moja la wageni Mukombozi FC lilifungwa na mchezaji wao Renatus Jeremia na kumfanya kocha wa timu hiyo Dioniz Mutechura kusema kuwa Ngara starz wangewafunga magoli mengi ila uchovu wa safari kutoka Muleba hadi Ngara ndio uliowafanya kucheza chini ya kiwango.

Kwa upande wake Kiongozi wa Ngara Starz –Baraka Abbas amesema wamekubali kipigo hicho na kusema kuwa bado wako katika mikakati ya kuijenga timu yao .

Aidha Mwenyekiti wa Klabu ya Mukombozi FC Nalisisi Paulo ameishukuru timu ya Ngara starz kwa mapokezi mazuri waliyowapatia na kuwapa mwaliko wa kuwatembelea lengo ni kudumisha urafiki wao wa kimichezo kwa Ngara starz na Mukombozi FC.

Mashabiki wakifatilia mchezo huo katika uwanja wa Kokoto mjini Ngara,ambapo timu ya Mukombozi FC kutoka wilayani Muleba walishinda bao 1-0 dhidi ya Ngara Starz.

Kikosi cha timu ya Ngara Voleball kikiwa katika katika mazoezi ya kupasha kujiandaa na mchezo wake dhidi ya Rulenge Voleball ambapo Rulenge walishinda mchezo huo kwa Seti 3 - 0 .