Baadhi ya kauli zilizotolewa katika Bunge la Bajeti, vijembe, matusi, misimamo na maneno ya kuudhi na nyingi kuombewa mwongozo wa Spika.

Spika wa Bunge Anna Makinda

na

Naibu wake Job Ndugai .

Katika wiki mbili za mwanzo za Mkutano wa 11 wa Bunge la Bajeti, vijembe, matusi, misimamo na maneno ya kuudhi vilitawala bungeni.

Baadhi ya kauli zilizotolewa na nyingi kuombewa mwongozo wa Spika ni kama ifuatavyo:-

“Tutaliheshimu Bunge kama taasisi huru, lakini si lilivyo sasa kama taasisi ya CCM,” Freeman Mbowe-Chadema, Kiongozi wa Upinzani. 

“Sugu siongei na mbwa bali naongea na mwenye mbwa.” Juma Nkamia-CCM.

Freeman Mbowe

“Ni wazi kuwa hata kauli ya Waziri Harrison Mwakyembe imejaa utupu usio na matendo kwa kukataza wasafiri njiani wasichimbe dawa.” Halima Mdee-Chadema.

“Kuna wabunge humu ambao wana mimba zisizotarajiwa bungeni.” Livingstone Lusinde-CCM.

“Ukiangalia kuna watu wanataka kuvuruga nchi wakati wana watoto wachanga. Mimi mtoto wangu wa mwisho ana miaka minane, halafu Slaa (Dk Willibrod Slaa) wa kwake sijui ana wiki ngapi.” Livingstone Lusinde.

“Mbowe kaja hapa kajamba bungeni halafu kakimbilia kwenda kujamba Kibaha.” Mbunge wa Konde (CUF), Khatibu Said Haji Konde (CUF).

“Sikujua wabunge mnataka kuvuana nguo, hivyo nitatoa mwongozo wangu baadaye.” Job Ndugai, Naibu Spika.

Mbunge wa Iringa Mjini (Chadema), Peter Msigwa alisema, “Kuna tatizo la akili ndogo kutawala akili kubwa na hilo ni tatizo la Serikali.”

Bungeni Dodoma.

“Serikali si sikivu na imevaa miwani ya mbao,” alisema Deo Filikunjombe-CCM.

“Wanapoongea watoto wa kiume, watoto watulie.” Mwigulu Nchemba-CCM.

“Hatupendi kusema ufanisi wake umepungua wala kuendelea kubaki ofisini bila ya mkataba ni kutokana na kujipendekeza kwa Rais na uhodari wake wa kukipendelea chama tawala na Serikali, lakini tunapenda kusema wapo watu wenye sifa ya kuwa Msajili wa Vyama vya Siasa.” Profesa Kulikoyela Kahigi.

Chanzo:Mwananchi na Mwana wa Makonda.