Real Madrid wanasubiri kati ya AS Roma au Liverpool Fainali ya UEFA Champions League.

Real Madrid wameweka rekodi mpya Jana May 1, 2018 baada ya kufuzu kwenda Fainali ya UEFA Champions League 2017/2018 kwa mara ya 16, huku Kocha Zinedine Zidane akiwa kocha wa kwanza kufuzu kwenda fainali hizo mara 3 mfululizo baada ya Marcelo Lippi 1996/1998.

Dakika ya 3 tu Joshua Kimmich aliwanyanyua kwenye viti mashabiki wa Bayern Munich baada ya goli la utangulizi, goli ambalo limemfanya Kimmich kuhusika katika mabao 7 ya Bayern Munich katika UEFA Champions League msimu huu (kafunga 4 na assist 3).

Goli la kusawazisha la dakika ya 11 la Karim Benzema limekuwa goli la pili msimu huu wa Champions League kufungwa baada ya kupigwa pasi nyingi(28), ni bao la Lucas Digne pekee ndilo ambalo zilipigwa pasi nyingi kuliko hili(29).

Karim Benzema aliongeza bao la pili dakika ya 46 na hii kuwa mara yake ya kwanza kufunga mabao 2 katika mechi moja ya Champions League tangu afanye hivyo mara ya mwisho mwaka 2014 vs Schalke 04.

James Rodriguez dakika ya 63 aliufanya ubao wa matokeo kusomeka 2-2 na sasa anakuwa mchezaji wa saba katika historia ya Champions League kuwahi kuifungia pamoja na kuifunga Real Madrid, sasa Madrid wanafudhu kwa aggregate ya bao 4-3.

Real Madrid sasa wanasubiri mshindi wa mchezo wa leo Jumatano May 2, 2018 kati ya AS Roma dhidi ya Liverpool kufahamu watacheza na yupi fainali.