Buseresere FC –Timu Pekee ya Daraja la Pili Hatua 16 Bora Kombe la ASFC.

Mtibwa Sugar imefanikiwa kwenda hatua ya 16 Bora ya michuano ya Azam Sports Federation Cup baada ya ushindi wa mabao 2-1 dhidi ya wenyeji, Maji Maji Rangers Uwanja wa Ilulu mjini Lindi.

Mabao ya Mtibwa Sugar katika mchezo wa Jana January 31,2018 yamefungwa na mshambuliaji Kevin Sabato Kongwe kwa mipira ya adhabu, la kwanza dakika ya 36 baada ya Haruna Chanongo kuangushwa na la pili dakika ya 46 baada ya Salum Kihimbwa kuangushwa.

 Maji Maji walipata bao la kufutia machozi dakika ya 84 kwa penalti, lililofungwa na Peter Pole kwa bada ya Issa Kadia Mwanga wa Mtibwa Sugar kuunawa mpira kwenye boksi.

Matokeo ya Mechi nyingine , Tanzania Prisons imesonga mbele kwa ushindi wa penalti 5-4 baada ya sare ya 1-1 dhidi ya Burkina FC Uwanja wa Sokoine mjini Mbeya  na Maji Maji FC ya Songea imeshinda 2-1 dhidi ya Ruvu Shooting ya Pwani.

Nayo Njombe Mji FC imeshinda kwa penalti 4-1 baada ya sare ya 2-2 na Rhino Rangers Uwanja wa Saba Saba- Njombe, Stand United imeichapa Pamba FC 2-0 Uwanja wa CCM Kirumba- Mwanza na Kiluvya United imeichapa 2-0 JKT Oljoro Uwanja wa Mabatini Mlandizi mkoani Pwani.

Mchezo kati ya Green Warriors na Singida United umemalizika kwa sare ya 0-0 na Singida kufuzu kwa Penati 4-3 kwenye Uwanja wa Azam Complex, Chamazi, Dar es Salaam, wakati mechi kati ya KMC na Toto Africans imesogezwa mbele hadi Februari 7, mwaka huu.

Ikumbukwe katika mechi za January 30, 2018 Matokeo yake yalikuwa kama ifatavyo hapa chini.