Ajali ya Basi la Tahmeed Coach laanguka na kua Mtu moja na kujeruhi Wengine zaidi ya 20.

Basi la abiria mali ya kampuni ya Tahmeed Coach linalofanya safari zake kati ya Dar es Salaam –Tanzania kwenda nchini Kenya katika Jiji la Mombasa limepinduka Jana February 02,2018 na kusababisha kifo cha mtu mmoja na kujeruhi watu wengine zaidi ya 20.

 Kamanda wa Polisi Mkoa wa Tanga amethibitisha kutokea kwa ajali hiyo na kusema kuwa basi hilo limepinduka katikati ya Msata na Kabuku mkoani katika eneo la Kitumbi Tanga na kudai kuwa mtu mmoja alifariki hapo hapo huku wengine zaidi ya 20 wakijeruhiwa.

"Ni kweli ajali imetokea imesababisha kifo cha mtu mmoja na kujeruhi wengine 20, majeruhi wengine walipata majeraha madogo madogo hivyo tayari wamesharuhusiwa lakini majeruhi wengine watano nado wanapata matibabu"

Hii ni ajali ya pili kwa mwaka huu inayohusisha basi za Tahmeed  kutokea katika eneo la Kitumbi, Januari 29, 2018 basi jingine liliwaka na kuteketea kwa moto katika kijiji cha Kitumbi wilayani Handeni mkoani Tanga.