TASWIRA PICHA YA UBINGWA:- Manchester United Mara 12 baada ya Miaka 12 na Ndoo ya FA CUP.

Nyota wa Manchester United, Jesse Lingard ameipa Timu yake Ubingwa wa  FA CUP kwa mara ya kwanza tangu 2004 baada ya kufunga Bao la ushindi katika Dakika ya 110 ikiilaza Mabao 2 - 1 Crystal Palace katika fainali ya Kombe la FA ,nchini Uingereza katika mchezo uliyodumu kwa dakika 120 usiku Jana Jumamosi ,May 21, 2016 kwenye Uwanja wa Wembley mjini London. 

Crystal Palace walitangulia kufunga Dakika ya 78 kwa Bao la Jason Puncheon lakini Sekunde 175 baadae Juan Mata aliisawazishia Man United ikiwa ni Dakika ya 81’’.

Kwenye Dakika ya 105 , Chris Smalling alipewa Kadi ya Njano ya Pili na kutolewa nje kwa Kadi Nyekundu.

 Dakika ya 110, Jesse Lingard alieingizwa Dakika ya 90 kumbadili Juan Mata alifunga Bao la ushindi baada ya kazi nzuri ya Rooney.

Linakua ni  Taji la kwanza kwa Meneja Van Gaal kutwaa Taji lake la kwanza akiwa na Man United na pia kuipa Klabu hiyo Kombe la kwanza tangu Sir Alex Ferguson astaafu Mei ,2013 ingawa mwanzoni mwa Msimu wa 2013 / 2014, wakiwa chini ya David Moyes, walibeba Ngao ya Jamii walipoibwaga Man City.

DONDOO MUHIMU.

-Hii ni Mechi ya Fainali ya 135 ya FA CUP.

-Fainali hii ni kama Marudio ya Fainali ya Mwaka 1990 ambayo Manchester United waliifunga Crystal Palace 1-0 baada ya Mechi ya kwanza kwisha Sare 3-3.

-Hii ni mara ya Pili kwa Palace kutinga Fainali wakati kwa Man United ni Fainali ya 18 na wameshinda 11 kati ya hizo wakipitwa tu na Arsenal walioshinda Fainali 12

-Mara ya mwisho kwa Man United kutwaa FA CUP ni Mwaka 2004 walipoifunga Timu ya Daraja la Kwanza Millwall 3-0.