EMIRATES FA CUP 2015/2016:-Mabingwa Arsenal watupwa huku Manchester United na West Ham sare.

Pichani ni wachezaji wa Arsenal ya Uingereza , wakiwa kwao Emirates,hapo Jana March 13, 2016 wakisikitika baada ya kupoteza Taji lao la Miaka Miwili mfululizo baada ya kufungwa 2-1 na Watford kwenye Robo Fainali ya EMIRATES FA CUP.

Bao zilizoiondoa Utetezi wa Kombe hilo, Arsenali zilifungwa na Odion Ighalo na Adlene Guedioura katika Dakika za 50 na 63 na Arsenal kupata kifutia machozi toka kwa Danny Welbeck Dakika ya 88 ambae pia alikosa Bao la wazi la kusawazisha Dakika za Majeruhi.

Watford ( Pichani )sasa wanaungana na Crystal Palace na Everton kwenye Nusu Fainali na Timu ya mwisho ya 4 itapatikana baada ya kupatikana Mshindi kati ya Man United na West Ham.

Mshambuliaji Anthony Martial akishangilia baada ya kuifungia Manchester United bao la kusawazisha dakika ya 83 dhidi ya West Ham United katika mchezo wa Robo Fainali Kombe la FA nchini Uingereza usiku jana March 13,2016,kwenye Uwanja wa Old Trafford timu hizo zikitoa sare ya 1-1. 

Bao la West Ham limefungwa na Dimitri Payet dakika ya 68 na sasa timu hizo zitarudiana kuwania kwenda Nusu Fainali ya michuano hiyo.

 EMIRATES FA CUP 2015/2016

Raundi ya 6-Robo Fainali

Ijumaa Machi 11,2016.

Reading 0 – 2 Crystal Palace 

Jumamosi Machi 12,2016.

Everton 2 – 0 Chelsea 

Jumapili Machi 13,2016.

Arsenal 1 – 2 Watford 

Man United 1 - 1 West Ham

TAREHE MUHIMU

Nusu Fainali

Jumamosi 23 Aprili 2016 & Jumapili 24 Aprili 2016

Fainali

Jumamosi 21 Mei 2016