UTEUZI WA RAIS /PICHA:-Waziri Mkuu wa Tanzania awapongeza Makatibu Wakuu na Naibu Katibu Wakuu.

Makatibu wakuu na Naibu Katibu wakiapa kabla ya kusaini Hati ya Maadili ya Umma mara tu baada ya kuapishwa Ikulu jijini Dar es salaam jana January 1, 2016. PICHA NA IKULU.

Mhe. Kassim Majaliwa akiwapongeza Makatibu Wakuu na Naibu Katibu Wakuu, baada ya  viongozi hao kutia saini hati ya ahadi ya uadilifu kwa viongozi wa umma mbele ya waandishi wa habari mara baada ya kuapishwa Ikulu  jijini Dar es Salaam jana  January 1, 2016.

Waziri Mkuu wa Tanzania,  Mhe. Kassim Majaliwa amewapongeza Makatibu Wakuu na Naibu Katibu Wakuu, mara baada ya kuapishwa Ikulu  jijini Dar es Salaam jana,january 01,2016.

Ametoa pongezi hizo wakati Makatibu Wakuu na Naibu Katibu Wakuu wakiwa wametia saini hati ya ahadi ya uadilifu kwa viongozi wa umma mbele ya waandishi wa habari.

Mhe. Majaliwa pia amewataka viongozi hao, kuwa waaminifu, kuwajibika na  kutoa taarifa ya utendaji kwa wananchi. Aidha, alisema kuwa, viongozi wengine watakao apa mbele ya Kamishna wa Tume ya Maadili ni pamoja na  Wakuu wa Mikoa, Wakuu wa Wilaya na Wakurugenzi wa Halmashauri, ikiwa ni hatua ya Serikali kudhibiti na kufuatilia matumizi ya rasilimali fedha.

“Wakuu wa Wilaya watahakikisha fedha zilizoenda katika Halmashauri zao lazima zitumike katika shughuli zilizokusudiwa” alisema Waziri Mkuu.

Waziri Mkuu alitoa wito kwa watanzania kuendelea kuwa na imani na Serikali ya Awamu ya Tano, kwa kuwa itatimiza ahadi zote ambazo Mheshimiwa Rais na Makamu wa Rais walizitoa wakati wa Kampeni.

Makatibu Wakuu na Naibu Katibu Wakuu hao, wameapishwa na Mheshimiwa Rais Dkt. John Magufuli, ambapo shughuli hiyo ilihudhuriwa pia na Makamu wa Rais Mheshimiwa Samia Suluhu, Katibu Mkuu Kiongozi Balozi Ombeni Sefue, Mke wa Mheshimiwa Rais Mama Janeth Magufuli pamoja na viongozi mbalimbali.

Rais Dkt John Pombe Joseph Magufuli, Makamu wa Rais Mhe Samia Suluhu Hassan, Waziri Mkuu Mhe Kassim Majaliwa na Mwanasheria Mkuu wa Serikali Mhe George Masaju wakishuhudia Makatibu wakuu na Naibu Katibu wakiapa kabla ya kusaini Hati ya Maadili ya Umma mara tu baada ya kuapishwa Ikulu jijini Dar es salaam Jana January 1, 2016

Wakisubiri zamu zao za kula kiapo mbele ya Rais Dkt. John Pombe Joseph Magufuli ni Meja Jenerali Gaudence Salim Milanzi (kushoto) Katibu Mkuu wa Wizara ya Maliasili na Utalii na Jaji, Wakili Mkuu Meja Jenerali Projest Anatory Rwegasira, Katibu Mkuu wa Wizara ya Mambo ya Ndani ya Nchi Ikulu jijini Dar es salaam Jana January 1, 2016. Picha na IKULU.

 PICHA ZAIDI BOFYA HAPA

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .