LIGI YA MABINGWA AFRICA 2015/2016:-Rasmi TP Mazembe kwa ushindi wa 4-1 huku Samatta akiibuka ufungaji bora Afrika.

Klabu ya TP Mazembe imetimiza dhamira ya kutwaa Ubingwa wa Ligi ya Mabingwa barani Africa 2015/2016  baada ya kuifunga 2-0 USM Alger ya Algeria katika mchezo wakiwa kwenye Uwanja wa kwao huko Lubumbashi, Congo DR leo November 08,2015 kucheza Mechi ya Pili ya Fainali .

TP Mazembe inatwaa taji la tano la Ligi ya Mabingwa kwa ushindi wa jumla wa 4-1, baada ya awali kushinda 2-1 mjini Algiers Jumapili iliyopita.

Samatta akipongezwa na Mtanzania mwenzake, Thomas Ulimwengu baada ya kufunga.

Katika mchezo huo ,Mtanzania Mbwana Samatta alifunga goli lake la 9 katika dakika ya 74 kwa penati huku lile la Pili likifungwa na Asale dakika ya 90 ya mchezo huo.

Tangu Mwaka 1965, katika Mechi 77 za Afrika, TP Mazembe wamefungwa Mechi 3 tu Uwanjani kwao na ya mwisho kufungwa hapo ni Miaka 6 iliyopita. 

USM Alger, ambao ni mara ya kwanza kufika Fainali, walicheza kwa kusuasua katika mchezo huo wa Ugenini na kuwapa TP Mazembe kuutawala wakati ote wa mchezo.

Mshindi wa Fainali hizi TP Mazembe sasa ameondoka na Donge la Dola Milioni 1.5 na pia ataiwakilisha Afrika kwenye Mashindano ya FIFA ya Klabu Bingwa Duniani huko Japan Mwezi Desemba.

Pichani juu na chini ni Mashabiki wa TP Mazembe wakiingia uwanjani kushuhudia fainali hiyo.

Hadi sasa, Mbwana Ally Samatta na Mtanzania mwenzake anayecheza naye TP Mazembe, Thomas Ulimwengu wanajivunia rekodi mpya waliyoweka, kuwa Watanzania wa kwanza kucheza fainali ya Ligi ya Mabingwa Afrika.

Na Samatta anajivunia pia rekodi ya kuwa Mtanzania wa kwanza kufunga bao katika Ligi ya Mabingwa Afrika- baada ya kufunga bao la pili katika ushindi wa 2-1 dhidi ya USM Alger katika fainali ya kwanza Jumapili iliyopita mjini Algiers na mchezo wa leo akifunga la kwanza.

Awali, Samatta na Ulimwengu walivunja rekodi mbili zilizowekwa na klabu ya Simba SC ya Dar es Salaam mwaka 1974 na 1993.

1974 Simba SC iliweka rekodi ya kuwa klabu ya kwanza ya Tanzania kucheza Nusu Fainali ya Ligi ya Mabingwa Afrika, walipotolewa na Mehalla El Kubra ya Misri kwa penalti 3-0 baada ya sare ya jumla ya 1-1, kufuatia kila timu kushinda 1-0 nyumbani kwake.

Ukiachana na rekodi hiyo, Samatta ambaye ni straika wa zamani wa Simba SC ya Tanzania, pia anawania kutwaa Tuzo ya ufungaji bora Afrika na kuweka rekodi ya kuwa Mtanzania wa kwanza kufanya hivyo, kwani Kafikisha Mabao Saba na la penati ya leo.

Hii maana yake huu unakuwa mwaka wa pili mfululizo, Tanzania inatoa mfungaji bora wa Ligi ya Mabingwa, baada ya mwaka jana Mrisho Khalfan Ngassa kuongoza pia akiwa na klabu ya Yanga SC, kabla ya kuhamia Free State Stars ya Afrika Kusini msimu huu.

Ngassa alifunga mabao sita sawa na El Hedi Belameiri wa Setif, Haythem Jouini wa Esperance na Ndombe Mubele aliyekuwa AS Vita ya DRC, sasa Al Ahly.

Baada ya mchezo huo, Samatta na Ulimwengu watajiunga na kambi ya Taifa Stars huko Afrika Kusini kujiandaa na mchezo wa kufuzu Kombe la Dunia 2018 dhidi ya Algeri

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.