KAMPENI CCM URAIS 2015:-Dkt John Magufuli Ammwagia Sifa Dk Wilbrod Slaa Karatu.

Wananchi wa mji wa Haydom wakimshangilia Mgombea Urais wa CCM Dkt Magufuli alipokuwa akimwaga sera zake za kujinadi hapo jana October 05,2015 na kuwaomba kura za ndio ifika Oktoba 25 kwenye uchaguzi utakaofanyika mwaka huu 2015 kupitia ngazi ya Urais,Ubunge na Udiwani.

Dkt John Pombe Magufuli ambaye amefanya mikutano ya hadhara katika maeneo ya Hanang, Hydom na Mbulu mkoani Manyara akitumia usafiri wa barabara ,amewahakikishia wakulima kutatua tatizo la mashamba ya NAFACO.

Pia Dkt Magufuli anasisitiza azma yake ya kufuta kodi na ushuru kero kwa wananchi .

Leo Jumanne ya October 06,2015,  Dkt Magufuli ataendelea na mikutano ya kampeni katika maeneo ya mto wa mbu, Monduli mjini, Longido na kuhitimisha Arusha mjini.

Mgombea Urais wa Jamhuri ya Muungano wa Tanzania Dkt John Pombe Magufuli akiwaambia wananchi wa Karatu katika mkutano wa kampeni uliofanyika katika uwanja wa Bwawani, kuwa mmoja wa viongozi wa upinzani anayempenda kwa dhati, ni aliyekuwa Katibu Mkuu wa Chadema, Dkt Wilbrod Slaa,amesema kuwa ni kiongozi imara asiyependa kuyumbishwa na kwamba ni kiongozi mwenye msimamo thabiti na mapenzi makubwa na nchi yake Tanzania.

Mgombea Urais wa Jamhuri ya Muungano wa Tanzania kupitia chama cha Mapinduzi CCM Dkt John Pombe Magufuli akiwanadi wagombea Viti vya Udiwani mbele ya umati wa wakazi wa mji wa Karatu jioni ya kwenye mkutano wa hadhara wa kampeni uliofanyika katika uwanja wa Bwawani mjini humo mkoani Arusha Jana October 05,2015.

Wabunge wa viti maalum wanaowakilisha wanawake watarajiwa kutoka CCM  kutoka mkoa wa Arusha, kushoto ni Catherine Magige na Violet Mfuko.

 

Mgombea Uubunge jimbo la Karatu Dk.Wilbald Slaa Lorri akimuombea kura Mgombea Urais wa CCM Dkt Magufuli pamoja na yeye mbele ya wakazi wa mji wa Karatu jioni ya kwenye mkutano wa kampeni,kulia kwake ni  Wabunge watarajiwa viti maalum wanaowakilisha wanawake mkoa wa Arusha, kushoto ni Catherine Magige na Violet Mfuko wakishangilia.  

Mgombea urais wa Tanzania kupitia CCM, Dk John Magufuli pichani kushoto akiungana na wasanii Chege na Temba kucheza muziki wakati wa  mkutano wa kampeni  mjini Karatu, mkoani Arusha.

 

Dkt. Magufuli akisisitiza jambo mbele ya maelfu ya wananchi wa Mbulu jijini jioni ya kwenye mkutano wa kampeni.

 

Mgombea Urais wa CCM Dkt Magufuli akiwanadi wagombea ubunge na madiwani mbele ya wakazi wa mji wa Mbulu kwenye mkutano wa kampeni.

 

Dk Magufuli akijinadi kwa wananchi katika Mji wa Haydom, wilayani Mbulu, Manyara ambapo aliwataka wananchi kutowachagua wagombea wanaotoa rushwa kwani wakikubali wanaweza wakawauza wao na Tanzania kwa ujumla.

 

Wakazi wa  Haydom wakifuatila hotuba ya Dk Magufuli alipokuwa akiwahutubia kwenye mkutano wa kampeni mapema mchana mjini humo.

 

Mgombea Urais wa Jamhuri ya Muungano wa Tanzania, Dk . John Pombe Magufuli akimnadi mgombea ubunge Jimbo la Mbulu Vijijini, Fratei Masay mjini Haydom.

Washabiki na wafuasi wa CCM wakishangilia ujio wa Dk Magufuli na kuwahutubia kwenye mkutano wa kampeni uliofanyika kwenye uwanja wa Bwawani mjini Karatu,mkoa wa Arusha. PICHA NA MICHUZI JR-KARATU.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.