Wakenya kuendelea kuifanya SportPesa Super Cup mali yao? Leo Yanga SC v Kakamega Homeboys.

Mabingwa wa Tanzania Bara Simba SC, pamoja na Yanga SC, Singida United na JKU ndiyo wawakilishi wa Tanzania katika michuano ya Kombe la SportPesa Super Cup 2018.

 Michuano ya SportPesa Super Cup 2018, inaanza kuunguruma leo June 3, 2018 hadi June 10, 2018 katika Uwanja wa Afraha mjini Nakuru, Kenya inasubiriwa kwa hamu kubwa na mashabiki wa soka nchini Kenya.

Kikosi cha timu ya Simba SC.

Timu za Yanga SC ya Tanzania na Gor Mahia ya Kenya ni  timu mbili zinashiriki michuano hiyo tayari ziko katika hatua ya Makundi ya Kombe la Shirikisho Afrika.

Yanga SC ambayo angalau mashindano yaliyopita ilipiga hatua kuliko Simba SC, itafungua mashindano hayo kwa kumenyana na Kakamega Homeboys ya Kenya.

Yanga SC na Kakamega Homeboys ya Kenya wanacheza mchezo huo kuanza saa 7:00 mchana, huku Gor Mahia ambayo nayo ni ya Kenya ikipambana na JKU ya Zanzibar kuanzia saa 9:15 alasiri. 

Mechi hizo zote zinachezwa leo June 3, 2018.

Kikosi cha timu ya Yanga SC.

Simba SC ya Tanzania, wao watacheza kesho Jumatatu June 4,2018  dhidi ya Kariobangi Sharks ya Kenya mchezo utakaopigwa majira ya saa 9:00 alasiri ambapo siku hiyo itachezwa mechi hiyo pekee.

Michuano hiyo itaendelea June 5,2018, AFC Leopards itakutana na Wazee wa Alizeti, yaani Singida United .

RATIBA LIGI YA SPORTPESA SUPER CUP 2018.

Jumapili, June 3, 2018

K akamega v Yanga SC

7:00 MCHANA

Gormahia v JKU

9:15 ALASIRI

Jumatatu, June 4, 2018

Kariobangi v Simba SC

9:00 USIKU

Jumanne, June 5, 2018

AFC Leopads v Singida United

9:00 ALASIRI

ZAWADI

Bingwa: Shilingi 68 mil.

Mshindi wa Pili: Shilingi 22 mil.

Mshindi wa Tatu: Shilingi 17 mil.