Emirates FA CUP – Raundi ya 4: Chelsea,Arsenal, Tottenham na Manchester City zafuzu –Jumapili ni Manchester United v Wigan Athletic.

Huko Stamford Bridge, Chelsea wakicheza mechi yao ya Kombe hili Kongwe Duniani, FA CUP iliichapa Brentgord 4-0 kwa Bao za Willian, Pedro, Ivanovic na Penati ya Batshuayi.

Nao Liverpool walitupwa nje ya Raundi ya 4 ya FA CUP, walipochapwa 2-1 na Timu ya Daraja la chini la Championship Wolves huko Anfield, Tottenham nao walinusurika na hatimae kuifunga Timu ndogo Wycombe 4-3 huku Vigogo wengine Arsenal wakisonga kirahisi.

Huko Saint Mary, Arsenal waliitwanga Southampton Bao 5-0 kwa Bao za Danny Welbeck, Bao 2, na Theo Walcott, Bao 3.

Bao za Spurs zilifungwa na Son Heung-min, Dakika za 60 na 97, Janssen, Penati 64 na Alli, 89 wakati zile za Wycombe kufungwa Dakika za 23 na Penati ya Dakika ya 36 zote za Haye na 83 kupitia Thompson.

Ndani ya Selhurst Park Wenyeji Crystal Palace wamefungwa 3-0 na Man City ambao Bao zao zilifungwa na Raheem Sterling, Leroy Sane na Yaya Toure.

Leo,Jumapili January 29, 2017 Mabingwa Watetezi, Man United wapo kwao Old Trafford kucheza na Wigan ikiwa ni moja ya Mechi 4 za Raundi ya 4 ya FA CUP.

Jumapili Januari 29,2017.

1500 Millwall v Watford            

1530 Fulham v Hull City           

1700 Sutton United v Leeds United                

1900 Manchester United v Wigan Athletic