SOKA WILAYA YA NGARA 2014/2015:-Taswira ya Picha Kikao cha NDFA na Viongozi wa Vilabu 9 pamoja na Ratiba ya Ligi Ngazi ya wilaya Inayoanza October 08,2014. - Mwana Wa Makonda

Muhtasari

X-BET


Post Top Ad

Tuesday, October 07, 2014

SOKA WILAYA YA NGARA 2014/2015:-Taswira ya Picha Kikao cha NDFA na Viongozi wa Vilabu 9 pamoja na Ratiba ya Ligi Ngazi ya wilaya Inayoanza October 08,2014.


Chama cha soka wilaya ya Ngara mkoani Kagera –NDFA Jumamosi October 04,2014 kilikuwa na mkutano wa Uongozi wa chama   na Viongozi wa Vilabu vilivyosajiliwa katika ukumbi wa mkuu wa wilaya ya Ngara.

Aidha taarifa iliyotolea na katibu mkuu wa NDFA –JONA KATANGA kwenda kwa Vilabu ,kuwa mkutano huo ulioanza majira ya saa nne asubuhi , lengo kuu la kikao hicho ilikuwa ni kujadili uendeshaji wa Ligi ngazi ya wilaya ya Ngara 2014/2015 inayotarajiwa kuanza oktoba 08,mwaka huu katika viwanja vitatu vya Kokoto, Benaco na Rulenge .

Vilabu 9 shiriki,vilivyohudhuria viliwakilishwa na Mwenyekiti na Katibu wa klabu.



Mwenye track suti ya Bluu ni Godfrey Brayan mwakilishi wa Vilabu kutoka Chama cha Soka wilaya ya Ngara-NDFA akitoa ufafanuzi juu ya usajili na kanuni mbalimbali zitakazotumia wakati wa Mashindano.
Katikati ni Makamu Mwenyekiti wa Chama cha Soka wilaya ya Ngara mkoani Kagera -NDFA Seif Omary Upupu na kulia kwake ni Kaimu Katibu mkuu wa NDFA Bahati Kundi wakisikiliza ushauri/maoni kutoka kwa Viongozi wa timu 8 zitakazoshiriki Ligi soka ngazi ya wilaya 2014/2015 ambapo Bingwa wake anataraji kuondoka na Kikombe na fedha tasilimu sh. Laki 3.

Kushoto ni Mwenyekiti wa Klabu ya Rulenge White Stars ya Rulenge na Baraka Abbas wa Ngara Stars wakifatilia mazungumzo wakati wa Kikao hicho Octoba 04,2014.


Kulia ni Paul Mayanga kiongozi wa Timu ya Ngara Boys FC na Katibu mkuu wa Timu ya Walimu FC Faustine Malulu.


Kushoto ni Said Salumu na Salum Bakari kutoka Idara ya Michezo na Utamaduni wilaya ya Ngara mkoani Kagera walishiriki katika kikao hicho chenye lengo la kujadili taratibu za kutumika katika Mashindano ya Ligi soka Ngara ya wilaya iliyopangwa kuanza Octoba 08,2014.




CHAMA CHA MPIRA WA MIGUU NGARA (NDFA)-LIGI NGAZI YA WILAYA MWAKA 2014/2015.

Chama cha mpira wa miguu wilaya ya Ngara mkoani Kagera, kinaazimia kuanzisha ligi ngazi wilaya mwaka huu 2014/2015 yenye lengo la kukuza vipaji vya vijana na hatimaye kupata bingwa wa wilaya atakaye ungana na timu ya Mursagamba FC kwenda kwenye mashindano ya ligi ngazi ya mkoa mwaka huu.

Ligi hii inatajia kuanza mwezi wa kumi tarehe nane mwaka huu(8/10/2014) kwa kushirikisha vilabu vyote vilivyosajiliwa na vitakavyo onyesha utayari wa kushiriki.

Vilabu vinavyo tarajiwa kushiriki ni pamoja na :-

WALIMU FC


MBAWE FC


NGARA STARS


RULENGE  WHITE STARS


BENACO STARS


RUSUMO FC


KABANGA FC

NYAKISASA FC


NGARA BOYS FC

Katika kuchambua kwa makini chama cha mpira wa miguu wilaya ya Ngara kikaona kwamba zawadi zitagharimu milioni moja na kikombe .

Mshindi wa kwanza =Tsh 300,000 na kikombe


Mshindi wa  pili   =TSH 200,000 na mpira


MSHINDI WA TATU= 100,000 na mpira


Golikipa bora=TSH 50,000


Mfungaji bora=TSH 50,000


Timu yenye nidhamu=TSH50,000


KANUNI ZA MASHINDANO
1.USAJILI

i)Timu inapaswa kusajili wachezaji wasiozidi 25 na wasiopungua 15.

ii)Usajili wa dirisha dogo  timu itaruhusiwa  kusajili wachezaji wasiozidi 5

iii)mchezaji atakaye sajiliwa dirisha dogo atatakiwa kufuata masharti

Iv)Hairuhusiwi kusajili wachezaji zaidi ya watatu toka nje ya  nchi.

Wachezaji toka nje ya nchi watapaswa kuwa na vibali maalumu vinavyo mtambulisha kutoka kwenye club yake  na hati ya kusafiria.

v)Timu  itapaswa kulipa ada ya ushiriki shilingi 20,000 na kuchukua fomu kwa ajili   ya usajili.

vi)Mchezaji atakaye sajiliwa na timu zaidi ya moja atafutiwa usajili.

vii) kila timu itatakiwa kuwa na jezi na  ziwe na namba.

viii)Tutakuwa na kikao tangulizi (pre-match meeting) kwa  kila mechi na kwa viwanja vyote na kwa kila mchezo saa tano kamili  na kitajumuisha NDFA,kiongozi mmojawapo toka kila timu,na waamuzi.

Vile vile kumbuka kuja na jezi moja ya mchezaji wa ndani ya uwanja na  ya golikipa.

Kumbuka atakaye shindwa kuhudhuria faini itakuwa shilingi 10,000 na  atakayechelewa bila taarifa faini itakuwa shilingi 5,000.

ix)Muda wa kuanza mchezo utakuwa saa kumi kamili,timu itakayo chelewa zaidi ya robo saa itapoteza pointi tatu zote.

x)Fomu zitaanza kutolewa tarehe 29/9/2014 na mwisho wa kurudisha fomu za usajili ni tarehe 4/10/2014 Saa nne asubuhi

A) MUUNDO WA LIGI.

HATUA YA KWANZA

Hatua hii itachezwa kwa mzunguko katika vituo vitatu yaani, Kokoto,Rulenge na Benaco kwa kuzingatia makundi kama ifuatavyo  

Kokoto-kundi A


Rulenge-kundi C


Benaco – kundi B

Baada  ya hatua ya kwanza timu mbili kutoka  kila kundi zitaingia hatua inayofuata (ya pili)

HATUA YA PILI(MTOANO.

KATIKA HATUA HII uwanja utakao tumika ni mmoja tu  wa kokoto ambapo kila mechi zitachezwa  kwa  njia ya mtoano  kupata timu tatu zitakazo ingia  hatua ya tatu kwa kigezo cha wingi wa pointi Pamoja na Best ruza.
 
B.GHARAMA MBALIMBALI

Vilabu vitakavyoshiriki  vitajitegemea katika  gharama  za usafiri na vifaa vyote vya   michezo (mavazi,viatu, na mipira) ambavyo  vitakaguliwa.

Gharama za waamuzi zitagharimiwa na chama cha mpira wa miguu ngara (NDFA)

VYANZO VYA MAPATO

i)                Kila kituo (uwanja) kutakuwepo na  viingilio
ii)              Mgawanyo wa mapato utakuwa  hivi
a)Timu mwenyeji=20%
b)timu mgeni=30%
c)NDFA=50%

MAKUNDI

KUNDI A

WALIMU FC

KABANGA FC

MABAWE FC

KUNDI B

BENACO STARS

RUSUMO FC

NGARA BOYS

KUNDI C

NGARA STARS

RULENGE WHITE STARS

NYAKISASA FC

RATIBA YA MASHINDANO-HATUA YA KWANZA.

UWANJA
TIMU
TAREHE
KOKOTO
KABANGA v WALIMU
8/10/2014
KOKOTO
MABAWE v KABANGA
10/10/2014
KOKOTO
WALIMU v MABAWE
12/10/2014
BENACO
BENACO v NGARA BOYS
8/10/2014
BENACO
NGARA BOYS v RUSUMO
10/10/2014
BENACO
RUSUMO v BENACO
12/10/2014
RULENGE
RULENGE v NGARA STARS
8/10/2014
RULENGE
NYAKISASA v RULENGE
10/10/2014
RULENGE
NGARA STARS v NYAKISASA
12/10/2014




HATUA YA PILI ( MTOANO)

uwanja
timu
tarehe
KOKOTO
A1 vs C2
17/10/2014
KOKOTO
B1 VS A2
18/10/2014
KOKOTO
C1 VS B2
19/10/2014

HATUA YA TATU

MTAJO
KUNDI
TAREHE
UWANJA
D
A VS B
22/10/2014
KOKOTO
E
B VS C
24/10/2014
KOKOTO
F
C  VS  A
26/10/2014
KOKOTO

FAINALI        - 1/11/2014

 
KAMATI YA MASHINDANO

Itaundwa na wajumbe wote wa chama cha mpira wa miguu wilaya ya ngara (NDFA)

KAMATI YA NIDHAMU

Kamati hii inaundwa  na watu watu watatu

i)TIBAIJUKA VEDASTUS (MWENYEKITI)

II)GODFREY BRAYAN

III)BAHATI  KUNZI

KAMATI YA RUFAA

i)MWANA SHERIA WA HALMASHAURI

iii)ELINA PATRICE

iii)JOSIAS KIMUGA

Rufaa itagharimu shs 30,000.

Imetolewa na Katibu mkuu NDFA
Bahati Kunzi. 

Karibu kwenye familia ya Makonda Blog na uzipokee Picha/Habari zote kwa kutumiwa Mchana /Usiku baada tu ya kujiunga kwa kubonyeza hapa mtu wangu >>>BONYEZA HAPA.>>>Pia tutumie tukio la Picha kwa WhatsApp +255789925630.

No comments:

Post a Comment

Post Bottom Ad