AFCON 2015:-Taifa Stars yavutwa 2-2 na Msumbiji Nyumbani huku Uganda, Botswana & Sierra Leone zaanza vyema.

Thomas Ulimwengu kulia akipiga tik tak dhidi ya beki wa Msumbiji….. Kikosi cha Tanzania kilikuwa; Deogratius Munishi ‘Dida’, Shomary Kapombe, Oscar Joshua, Kevin Yondan, Nadir Haroub ‘Cannavaro’, Mwinyi Kazimoto, Thomas Ulimwengu, Erasto Nyoni, John Bocco/Haroun Chanongo dk78, Mbwana Samatta/Simon Msuva dk83 na Mrisho Ngassa/Khamis Mcha dk57.

Khamis Mcha baada ya kufunga bao la pili Kwa Taifa Stars.

Leo Julai 20,2014,katika Uwanja wa Taifa Jijini Dar es Salaam, Timu ya Taifa ya Tanzania (Taifa Stars) imeanza vibaya hatua ya mwisho ya mchujo kuwania kupangwa kwenye makundi ya kuwania tiketi ya kucheza Fainali za Mataifa ya Afrika mwakani (2015) nchini Morocco, baada ya kulazimishwa sare ya 2-2 na Msumbiji.

Katika mchezo huo, uliofanyika jioni ya leo, mabao ya Stars inayofundishwa na Mholanzi Mart Nooij yalifungwa na kiungo wa Azam FC, Khamis Mcha ‘Vialli’ aliyeingia kipindi cha pili kuchukua nafasi ya Mrisho Ngassa.

Mcha tena akaifungia Stars bao lililoelekea kuwa la ushindi dakika ya 71 kwa penalti, baada ya mabeki wa Mambas kumchezea rafu Mbwana Samatta kwenye eneo la hatari.

Msumbiji walikuwa wa kwanza kupata bao dakika ya 48 kwa penalti iliyokwamishwa nyavuni na Elias Pelembe baada ya Kevin Yondan kucheza rafu kwenye eneo la hatari huku goli lililowapatia bao la kusawazisha dakika ya 89 kupitia kwa Isaac Carvalho aliyetokea benchi pia.

Kwa matokeo, hayo Taifa Stars sasa itajitaji ushindi wa ugenini ili kusonga mbele, au sare ya kuanzia mabao 3-3, wakati wenyeji wanaweza kunufaika na sare ya 1-1 au 0-0. 

Ikiwa 2-2 tena, mshindi ataamuliwa kwa mikwaju ya penalti.

Taifa Stars iliyofika hatua hii baada ya kuitoa Zimbabwe kwa jumla ya mabao 3-2 ikishinda 1-0 nyumbani na sare ya 2-2 Harare, ikifanikiwa kuitoa Msumbiji itapangwa katika Kundi C ambalo lina timu za Zambia, Cerpe Verde na Niger zilizofuzu moja kwa moja hatua hiyo, kuwania tiketi ya Morocco mwakani. 

Taifa Stars imekuwa ikinyanyaswa na Msumbiji miaka ya karibuni na mara mbili imewahi kutolewa na Mambas katika hatua za awali za AFCON. 

Kuwania Fainali za Ghana mwaka 2008, Stars ikiwa chini ya kocha Mbrazil, Marcio Maximo ilifungwa 1-0 Dar es Salaam katika mchezo wa mwisho wa kundi.

Kuwania Fainali za mwaka jana (2013) Afrika Kusini, Stars ikiwa chini ya kocha Mdenmark, Kim Poulsen, ilitolewa kwa penalti 5-4 na Msumbiji baada ya sare ya jumla ya 2-2. 

John Bocco akimpongeza Khamis Mcha baada ya kufunga bao la kwanza.

Mbwana Samatta alisababisha penalti iliyozaa bao la pili.

Mbali ya Mechi ya Taifa Stars na Msumbiji, Jana(Julai 19,2014) zilichezwa Mechi 3 nyingine za Raundi hii ya AFCON 2015 na Timu zote za Nyumbani kushinda 2-0 kila mmoja.

Uganda iliichapa Mautitania 2-0, Botsawana kuipiga Guinea-Bissau 0 na Sierra Leone kuiwasha Seychelles 2-0.

Mechi za Marudiano za Raundi hii zitachezwa Wikiendi ya Agosti 1 hadi 3.

AFCON 2015-MOROCCO

RATIBA/MATOKEO.

Saa za Bongo]

Jumamosi Julai 19,2014.

Uganda 2 – 0 Mauritania

Botswana 2 – 0 Guinea-Bissau

Sierra Leone 2 - 0 Seychelles 

Jumapili Julai 20,2014.

Lesotho 1 – 0  Kenya

Tanzania 2 -2  Mozambique

17:30 Congo v Rwanda

18:00 Benin v Malawi

MAKUNDI.

KUNDI A

-Nigeria

-South Africa

-Sudan

-Mshindi Congo/Rwanda

KUNDI B

-Mali

-Algeria

-Ethiopia

Mshindi Benin/Malawi

KUNDI C

-Burkina Faso

-Angola

-Gabon

-Mshindi Lesotho/Kenya

KUNDI D

-Ivory Coast

-Cameroun

-Congo DR

-Mshindi Sierra Leone/Seychelles

KUNDI E

-Ghana

-Togo

-Guinea

Mshindi Uganda/Mauritania

KUNDI F

-Zambia

-Cape Verde

-Niger

-Mshindi Tanzania/Msumbiji

KUNDI G

-Tunisia

-Egypt

-Senegal

-Mshindi Botswana/Guinea-Bissau