UFAULU KIDATO CHA NNE 2013:-Soma Majina ya Waliochaguliwa kujiunga Kidato cha Tano 2014 na Shule walizopangiwa.

Kulia Naibu Waziri wa Tamisemi Kasimu Majaliwa akitoa taarifa ya kuteuliwa kwa wanafunzi wa kidato cha tano kushoto ni Benard Makali Mkurugenzi anayeshuhulikia Elimu kutoka Ofisi ya Waziri Mkuu Tamisemi.

Hatimae Wizara ya Elimu na Mafunzo ya Ufundi nchini, imetoa  majina ya wanafunzi ambao wamechaguliwa kujiunga na shule mbalimbali kwa ajili ya kuendelea na elimu ya sekondari kidato cha tano, sanjari na vyuo mwaka 2014.

Orodha hiyo imetangazwa jijini Dar es salaam tarehe 17/06/2014, ambapo idadi ya wasichana waliochaguliwa kwa nafasi hizo ni 9,378, waliochaguliwa katika machaguo 13 ya masomo mbalimbali ya kidato cha tano na masomo 11 ya vyuo vya ufundi.

Shule zilizopangiwa wanafunzi ni 201, ambapo shule za wasichana pekee ni 61, huku shule 34 zikiwa za jinsia zote mbili, wasichana na wavulana.

Idadi ya wanafunzi wavulana waliochaguliwa katika machaguo 13 ya masomo mbalimbali ya ngazi hiyo, ni 22,138.

Kupata Majina Hayo tafadhali bonyeza Links Hizi Hapa chini.....


WASICHANA-SHULE-ZOTE

WAVULANA-MAJINA-YA-SHULE-A-mpaka-L
 
WAVULANA-MAJINA-YA-SHULE-M-mpaka-Z

Aidha Serikali ya Tanzania imesema kuwa wanafunzi 16,800 wakiwemo watahiniwa wa kujitegemea 10, wenye sifa lakini wamekosa nafasi za kujiunga kidato cha tano, sasa wataanzishiwa utaratibu wa kusoma stashahada ya ualimu pamoja na kidato cha tano na sita.

Utaratibu huo mpya ulitangazwa na Naibu Waziri wa Nchi, Ofisi ya Waziri Mkuu, Tawala za Mikoa na Serikali za Mitaa (Tamisemi), Kassim Majaliwa, wakati akitangaza wanafunzi waliochaguliwa kujiunga kidato cha tano na ualimu jana June 17, 2014.

Kwa mujibu wa Majaliwa, zimeteuliwa shule maalumu ambapo wanafunzi hao watapatiwa mafunzo hayo ya kidato cha tano, sita na stashahada ya ualimu kwa pamoja.

Akitangaza waliochaguliwa, alisema kuwa jumla ya wanafunzi 54,085 sawa na asilimia 75 ya wanafunzi 71,527 waliostahili kuingia kidato cha tano Tanzania Bara kwa mwaka huu, wamechaguliwa.

Kati yao, wavulana 14,826 sawa na asilimia 27 watasoma sanyansi na 16,526 sawa na asilimia 14, watasoma sayansi ya jamii.

Katika orodha hiyo, wamo wasichana 7,859 sawa na asilimia 14 ambao watasoma sayansi na 14,874 sawa na asilimia 27 watasoma sayansi ya jamii.

Majaliwa alisema wanafunzi hao watajiunga kidato cha tano katika shule 241 zikiwemo 33 ambazo zimepangiwa wanafunzi kwa mara ya kwanza.

Jumla ya wanafunzi wapatao 235,227 wa kidato cha nne mwaka 2013 sawa na asilimia 58.21 ya watahiniwa wote wamefaulu kujiunga na kidato cha tano pamoja na vyuo mbalimbali vya serikali, matokeo hayo yanaonesha kiwango cha ufaulu kimepanda kwa asilimia 15.13.