PICHA/AJALI:-Tazama Ajali hii ilivyoua Mtu mmoja-Mkoani Iringa June 22,2014.

Hii ni sehemu ya mbele ya gari hilo dogo aina ya Land Rover Freelander lenye namba T368 CVK ikiwa imeharibika baada ya kulivaa kwa nyuma roli la mizigo aina ya Scania lenye namba T346 BRF usiku wa June 22, 2014 katika eneo la Lugemba, kilomita kadhaa kabla ya kufika mji wa Mafinga mkoani Iringa.

Baada ya ajali hiyo.....

Inavyoonekana kwa nyuma

Lori la Mizigo aina ya Scania lililogongwa kwa nyuma.

....Sehemu ambayo gari hilo dogo liliingia nyuma ya Lori hilo.....

Ajali mbaya iliyohusisha gari dogo aina ya Land Rover Freelander lenye namba T368 CVK na roli la mizigo aina ya Scania lenye namba T346 BRF imetokea usiku wa juzi (June 22,2014) katika eneo la Lugemba, kilomita kadhaa kabla ya kufika mji wa Mafinga.

Taarifa za awali zinaonesha kwamba dereva wa gari hilo jina lake bado halijapatikana alifariki papohapo baada ya gari yake kuingia nyuma ya roli hilo lililokuwa limepaki kandakando ya barabara ya Mafinga Dar es Salaam, akiwa katika mwendo mkali.

Mwanafunzi wa kike wa Chuo Kikuu cha Tumaini aliyekuwemo katika gari hilo amenusurika kufa; binti huyo ambaye pia jina lake halikupatikana amelazwa katika hospitali ya wilaya ya Mufindi baada ya kujeruhiwa vibaya ikiwa ni pamoja na kukatika mkono.

Mashuhuda wa tukio hilo wamesema ajali hiyo ilitokea majira ya saa 3 usiku. Na baada ya ajali hiyo wasamalia wema waliukumbiza mwili wa marehemu na majeruhi katika hospitali ya wilaya ya Mufindi.

Jeshi la Polisi limethibitisha kutokea kwa ajali hiyo na taarifa za awali zinaonesha dereva wa gari hilo alikuwa amelewa wakati akiendesha gari hilo.

Habari/Picha Na:-FRANCIS GODWIN-IRINGA.