VPL 2013/2014:-Azam FC na ushindi wa 3-0 dhidi ya Ruvu leo(April 10,2014)sasa yahitaji Point 3-Mechi mbili Kuwa Bingwa.

Shabiki wa Azam FC akiwa ameshika bango la kutabiri matokeo kati ya timu hiyo na Ruvu Shooting katika mchezo wa Ligi Kuu soka ya Vodacom Tanzania Bara jioni hii(April 10,2014) Uwanja wa Mabatini, Mlandizi mkoani Pwani. Na kweli, Ruvu Shooting alichapwa 3-0.

AZAM FC Leo(April 10,2014) huko Mabatini, Mlandizi wameichapa Ruvu Shooting Bao 3-0 na kujiweka kwenye nafasi murua ya kuwa Bingwa mpya wa VPL, Ligi Kuu Vodacom Tazania Bara.

Mechi hii ilikuwa ichezwe Jana(April 09,2014)lakini ikaahirishwa kutokana na Mvua kubwa.

Wakiwa wamebakisha Mechi mbili, ile na Mbeya City huko Mbeya na JKT Ruvu Uwanja wa Azam Complex, Azam FC wanahitaji Pointi 3 tu kutwaa Ubingwa bila ya kujali nini Timu ya Pili, Yanga, ambao ndio Mabingwa Watetezi, wanakifanya nini.

Mfungaji wa bao la tatu la Azam FC,

 Kipre Tchetche akishangilia

baada ya kufunga.

Hivi sasa Azam FC wanaongoza Ligi wakiwa na Pointi 56 na kufuatiwa na Yanga wenye Pointi 52 na ambao wamebakisha Mechi mbili dhidi ya JKT Oljoro, huko Arusha, na Simba.

Bao za Azam FC  zilifungwa na Gaudence Mwaikimba, Himid Mao na Kipre Tchetche.

Mechi inayofuata kwa Azam FC ni hapo Jumapili watakapokuwa Mbeya kucheza na Mbeya City na Siku hiyo hiyo Yanga watakuwa Arusha kuivaa JKT Oljoro.

Azam FC sasa itahitaji pointi tatu zaidi katika michezo yake miwili ya mwisho ili kutawazwa rasmi mabingwa wapya wa msimu wa mwaka 2014/ 2015.

Yanga SC yenye mechi mbili pia, inaweza kufikisha pointi 58 ikizifunga JKT Oljoro na Simba SC, wakati Azam ikiifunga Mbeya City itatimiza pointi 59 hivyo kuingia kwenye mechi yake ya  mwisho na JKT Ruvu wakiwa tayari mabingwa.

RATIBA YA LIGI KUU VODACOM 2013/2014.

Jumamosi Aprili 12,2014.

Mtibwa Sugar vs Ruvu Shooting (Manungu, Morogoro).

Coastal Union vs JKT Ruvu (Mkwakwani, Tanga).

Tanzania Prisons vs Rhino Rangers (Sokoine, Mbeya).

Jumapili Aprili 13,2014.

Mgambo Shooting vs Kagera Sugar (Mkwakwani, Tanga).

Simba SC vs Ashanti United (Uwanja wa Taifa, Dar es Salaam)

Mbeya City vs Azam (Sokoine, Mbeya)

JKT Oljoro vs Yanga (Sheikh Kaluta Amri Abeid, Arusha).