LA LIGA 2013/2014:-Haya ndio Matokeo ya Atletico Madrid, FC Barcelona na Real Madrid wakishinda Mechi zao na kuzidi kukabana koo kileleni.

Lionel Messi akishangilia baada ya kufunga bao pekee katika ushindi wa Barcelona wa 1-0 dhidi ya jirani zao Espanyol.

Mshambuliaji Messi amevunja mwiko wa kutowafunga Espanyol kwenye Uwanja wao wa Cornella El Prat baada ya Jana March 29,2014, kuifungia bao pekee FC Barcelona dhidi ya wenyeji wao hao.

Messi hakuwahi kufunga katika Uwanja huo katika misimu mitano, lakini jana hakufanya makosa alipokwenda kupiga penalti baada ya beki wa pembeni, Javi Lopez kuunawa mpira kwenye eneo la hatari.

Barcelona sasa inafikisha pointi 75 baada ya mechi 31 na inaendelea kukaa nafasi ya pili nyuma ya Atletico Madrid yenye pointi moja zaidi, baada kuifunga Athletic Club 2-1.

Cristiano Ronaldo akishangilia baada ya kuifungia Real bao lake la 28 katika msimu huu wa La Liga.

Nae nyota wa Real Madrid, Cristiano Ronaldo na Gareth Bale walirejesha urafiki wao tena wakati timu yao ikiifumua mabao 5-0 Rayo Vallecano Jana March 29,2014,usiku  katika mchezo wa La Liga uliofanyika Uwanja wa Santiago Bernabeu.

Bale alimsetia Ronaldo kuifungia Real Madrid bao la kwanza dakika ya 14, na akachangia bao la pili lililofungwa na Carvajal dakika ya 54, kabla ya kufunga la tatu dakika ya 67 na la nne dakika ya 70 wakati Morata alifunga la tano dakika ya 77. 

Real sasa inatimiza pointi 73 baada ya mechi 31, lakini inaendelea kuketi nafasi ya tatu nyuma ya FC Barcelona yenye pointi 75 na Atletico Madrid pointi 76 kileleni, zote zikiwa zimecheza mechi 31 pia.

Ronaldo alimkasirikia Bale baada ya kwenda kupiga mpira wa ovyo dakika za mwishoni Real ikilala 4-3 mbele ya Barcelona wiki iliyopita, lakini jana amemaliza hasira za mchezaji mwenzake huyo na kurudisha urafiki wao tena.

Position	Team	Played	Goal Difference	Points
1	Atlético Madrid	31	47	76
2	Barcelona	31	64	75
3	Real Madrid	31	54	73
4	Athletic Bilbao	31	19	56
5	Sevilla	31	9	50
6	Real Sociedad	30	10	49
7	Villarreal	30	14	48
8	Espanyol	31	-2	40
9	Valencia CF	30	1	40
10	Levante	30	-11	37
11	Celta de Vigo	31	-10	36
12	Granada CF	30	-12	34
13	Rayo Vallecano	31	-34	33
14	Málaga	30	-9	32
15	Elche	30	-17	31
16	Almería	30	-24	30
17	Osasuna	30	-26	29
18	Getafe	30	-21	28
19	Real Valladolid	30	-19	27
20	Real Betis	30	-33	22