Simba SC yafumuliwa 3-2 huku Azam FC ikikamatwa kwa sare ya 2-2 na Prisons katika Ligi kuu Vodacoma Tanzania bara.

Mshambuliaji wa Azam FC, John Bocco 'Adebayor' akimtoka beki wa Prisons, Salum Kimenya  LEO Februari 23,2014 kwenye Uwanja wa Azam Complex, Chamazi, Dar es Salaam katika mchezo wa Ligi Kuu ya Vodacom Tanzania Bara ambapo Wekundu wa Msimbazi Simba SC imelambwa mabao 3-2 na JKT Ruvu Uwanja wa Taifa, Dar es Salaam, wakati Azam FC imelazimishwa sare ya kufungana mabao 2-2 na Prisons ya Mbeya.

Matokeo hayo ya leo Februari 23,2014,yanamaanisha, Yanga SC iliyoshinda 7-0 dhidi ya Ruvu Shooting  jana Februari 22,2014 Uwanja wa Taifa, inaendelea kuongoza Ligi Kuu kwa pointi zake 38, Azam ya pili 37 na Mbeya City ya tatu 35 na Simba SC ya nne 32. 

Uwanja wa Taifa, Dar es Salaam hadi mapumziko JKT Ruvu walikuwa mbele kwa mabao 2-0 yaliyotiwa kimiani na Hussein Bunu dakika ya 14 na Emmanuel Swita dakika ya 44 kwa penalti, baada ya Henry Joseph kumuangusha Amos Mgisa kwenye eneo la hatari.

Hata hivyo, penalti hiyo ilionekana kuwa ya utata, kwani mguu wa Henry ulionekana kwenda kuuondosha mpira miguuni mwa Mgisa bila kumgusa mchezaji huyo.

Kipindi cha pili, JKT Ruvu ilionekana kurudi na moto wake tena na kufanikiwa kupata bao la tatu mapema dakika ya 52, mfungaji Emmanuel Swita tena kwa shuti kali baada ya pasi ya Amosi Mgisa.

Simba SC ilizinduka baada ya  bao hilo na kupambana hadi kupata mabao mawili yaliyofungwa na Mrundi Amisi Tambwe dakika za 64 kwa penalti baada ya Amri Kiemba kuangushwa kwenye eneo la hatari na dakika ya 84, akiunganisha krosi ya Kiemba.

Huko uwanja Azam Complex, Chamazi, kwenye Viunga vya Jiji la Dar es Salaam, Wenyeji Azam FC waliikosa nafasi ya kutwaa uongozi wa Ligi toka kwa Yanga baada kutoka Sare ya 2-2 na Tanzania Prisons.

Hadi Mapumziko Bao zilikuwa 0-0.

Prisons ndio waliofunga Bao la Kwanza katika Dakika ya 47 kwa Frikiki ya Omega Seme na Azam kusawazisha chapchap katika Dakika ya 49 kwa Bao la Aggrey Morris na kupiga Bao la Pili Dakika moja baadae kwa Bao la Kipre Tcheche.

Haikuchukua muda kwa Kipre Tcheche kupewa Kadi ya Njano ya Pili na hivyo kutolewa nje kwa Kadi Nyekundu na hii iliwapa mwanya Prisons ambao hatimae kwenye Dakika ya 80 walisawazisha kwa Bao la Mpalile.

Jumatano Februari 26,2014.

Azam FC v Ashanti United

MSIMAMO VPL  2013/2014.

NA	TIMU	P	W	D	L	GD	PTS
1	Yanga SC	17	11	5	1	29	38
2	Azam FC	17	10	7	0	19	37
3	Mbeya City	19	9	8	2	8	35
4	Simba SC	19	8	8	3	16	32
5	Kagera Sugar	19	6	8	5	1	26
6	Coastal Union	19	5	10	4	5	25
7	Mtibwa Sugar	19	6	7	6	0	25
8	Ruvu Shooting	18	6	7	5	-4	25
9	JKT Ruvu	19	7	1	11	-13	22
10	Prisons FC	17	3	8	6	-3	17
11	Mgambo JKT	19	4	5	10	-17	17
12	Ashanti United	18	3	5	10	-15	14
13	JKT Oljoro	19	2	8	9	-15	14
14	Rhino Rangers	19	2	7	10	-11	13