Azam FC na Miaka 49 ya kombe la Mapinduzi kwa mara ya pili mfululizo baada ya kuichapa Tusker ya Kenya Bao 2-1.

Azam FC

Wana Lamba lamba Azam FC, wamefanikiwa kulitwaa kombe la  Mapinduzi kwa mara ya pili mfululizo baada ya kuichapa Tusker ya Kenya Bao 2-1 katika mchezo uliochezwa Dakika 120 baada ya kwenda sare 1-1 katika Dakika 90.

Mbali ya kutwaa Kombe, Azam FC pia walizawadiwa Shilingi Milioni 10 kama Washindi na Tusker kupewa Milioni 5 kama Washindi wa Pili.

Tusker FC

Tusker ndio waliotangulia kufunga kwa Bao la Jesse Were katika Dakika ya 60 na Azam FC kusawazisha kwa Penati ya Dakika ya 72 iliyotolewa kufuatia Luke Ochieng kuushika mpira na Atudo kufunga Penati hiyo.

Bao hizo zilidumu hadi Dakika 90 kumalizika na ndipo zikaongezwa Dakika 30 za Nyongeza na Gaudence Mwaikimba kufunga Bao la Pili na la ushindi, Dakika ya Pili tu ya Muda huo wa Nyongeza.

ORODHA YA MABINGWA KOMBE LA MAPINDUZI

Shujaa Mwaikimba baada ya kufunga

bao la kwa Azam FC ushindi usiku huu.

2003   Mtibwa Sugar

2004   Yanga SC

2005   Yanga SC

2006   Simba SC

2007   Yanga SC

2008   Simba SC

2009   Miembeni FC

2010   Mtibwa Sugar

2011   Simba SC

2012   Azam FC

2013   Azam FC