Picha Basi la New Force Lapata Ajali na Kuua Watu 12 na kujeruhi 28 mkoani Njombe.

Watu 12 wamefariki dunia papo hapo na wengine 28 kujeruhiwa baada ya basi la kampuni ya New Force lenye namba za usajili T429 DEU, kupinduka katika eneo la Ilongwe kata ya Kifanya, Mkoani Njombe.

 Basi hilo linalofanya safari zake kati ya Mkoa wa Njombe na Dar es Salaam lilipinduka Jana Septemba 19,2016 majira ya saa mbili usiku,wakati likitokea jijini Dar es Salaam kuelekea mkoani Njombe.

Kwa mujibu wa habari iliyotolewa na shirika la habari la taifa kutoka mkoani Njombe zinasema kati ya watu hao 12 wanawake ni nane akiwemo mtoto mmoja wa kike pamoja na wanaume wanne akiwemo mtoto mmoja wa kiume.

Mmoja wa majeruhi wa ajali hiyo amesema kuwa chanzo cha ajili hiyo ni mwendo kasi wa dereva wa basi hilo ambapo amesema kabla ya ajali kutokea tayari basi hilo lilikuwa limeyumba karibu mara tatu na baadaye kupinduka kabisa.

Basi la kampuni ya New Force lenye namba za usajili T429 DEU baada ya kupinduka eneo la Ilongwe kata ya Kifanya, Mkoani Njombe.