Shule ya Msingi Rulenge,Ngara Yapokea Vyumba Viwili vya Madarasa kutoka Jambo Bukoba.

Mwalimu Mkuu wa Shule hiyo ya Msingi Rulenge Mwl.Vitari Nndayilagije  akisoma risala kwa mgeni rasimi ambaye alikuwa Afisa Elimu wilaya ya Ngara Bw.Gideoni Mwesiga wakati wa makabidhiano hayo,amebainisha kuwa Vyumba hivyo vitasaidia kupunguza msongamano wa  wanafunzi  darasani na kuboresha kiwango cha taaluma.

Muonekano wa Vyumba Viwili vipya vya Madarasa vilivyojengwa na Jambo Bukoba katika Shule ya msingi Rulenge iliyopo Mamlaka ya Mjimdogo wa Rulenge wilayani Ngara mkoni Kagera.

Muonekano wa Ndani wa Vyumba Viwili vipya vya Madarasa vilivyojengwa na Jambo Bukoba katika Shule ya msingi Rulenge iliyopo Mamlaka ya Mjimdogo wa Rulenge wilayani Ngara mkoni Kagera.

Shule ya msingi Rulenge iliyopo Mamlaka ya Mjimdogo wa Rulenge wilayani Ngara mkoni Kagera licha ya kukabidhiwa Vyumba viwili vya Madarasa vilivyojengwa na Shirika lisilo la Kiserikali la Jambo Bukoba la mkoani Kagera kwa gharama ya shilingi  milioni 22,ikiwemo pamoja na michango ya Wananchi,Wadau wa Elimu  na Mfuko wa Jimbo, inakabiliwa na changamoto ya upungufu wa vyumba vya madarasa 20 hali inayo walazimu Wanafunzi kukaa kwa msongamano darasani.

Mwalimu Mkuu wa Shule hiyo Mwl.Vitari Nndayilagije  akisoma risala kwa mgeni rasimi ambaye alikuwa Afisa Elimu wilaya ya Ngara Bw.Gideoni Mwesiga wakati wa makabidhiano hayo,amebainisha kuwa Vyumba hivyo vitasaidia kupunguza msongamano wa  wanafunzi  darasani na kuboresha kiwango cha taaluma.

Afisa Elimu wa Wilaya Ngazi ya Msingi Bw.Gigdeoni Mwesiga akimuwakirisha Mkurugenzi wa Halmashauri ya wilaya ya Ngara,Bw.Aidan Bahama ,pamoja na kulipongeza Shirika la Jambo Bukoba,amewataka Walimu na Wanafunzi kuitunza miundo mbinu hiyo huku akiyataka  Mashirika mengine kuiga mfano wa Shirika hilo kusaidia kupunguza changamoto ya Vyumba vya Madarasa kwa Shule za Msingi wilayani Ngara kwani mpaka sasa Halmashauri inaupungufu wa Vyumba 818 vya Madarasa.

Picha ya Pamoja.

Naye Meneja Miradi  wa Shirika la Jambo Bukoba Bw.Gonzaga Steven amesema wataendelea kuziwezesha Shule za Msingi mbalimbali  mkoani Kagera  kupitia  mafanikio ya michezo mbalimbali ya Jambo Bukoba ili Wanafunzi wapate kusoma katika Mazingira rafiki.