AZAM SPORTS HD TFF CUP:-Simba SC yafuzu 16 Bora Kombe la kufuzu CAF 2017.

Hamisi Kiiza (kulia) amefunga mabao mawili Simba SC ikishinda 3-0 na kutinga 16 Bora ya Kombe la TFF.

Na Mwandishi Wetu- MOROGORO.

Wekundu wa Msimbazi ''Simba SC imefuzu Raundi ya Nne ya Kombe la Shirikisho la Soka Tanzania (TFF), maarufu kama Azam Sports HD TFF Cup baada ya kuwachapa wenyeji Burkina Faso FC mabao 3-0 jioni ya leo,January 23, 2016,kwenye Uwanja wa Jamhuri, mkoani Morogoro.

Shujaa wa Simba SC, inayokwenda hatua ya 16 Bora ya michuano hiyo ambayo itatoa mwakilishi wa Tanzania kwenye Kombe la Shirikisho la Soka Afrika (CAF) mwakani, alikuwa ni mshambuliaji Mganda, Hamisi Friday Kiiza aliyefunga mabao mawili, wakati lingine limefungwa na kinda Hajji Ugando.

Kiiza alifunga mabao yake dakika ya 77 kwa shuti kali akimalizia krosi ya Abdi Banda na la tatu dakika ya 90 kwa penalti, baada ya kiungo Said Ndemla kuangushwa kwenye boksi.

Hajji Ugando alifunga bao la pili la Simba SC hii leo dakika ya 89 kwa shuti la umbali wa mita 38, bao lililowasisimua zaidi mashabiki uwanjani.

Katika mechi nyingine za michuano hiyo leo,January 23, 2016, Toto Africans imeifunga 4-1 Pamba Uwanja wa CCM Kirumba, Mwanza, wakati Ndanda FC imeifunga 5-0 Mshikamano Uwanja wa Nagwanda Sijaona mjini Mtwara.

Michuano hiyo itaendelea kesho Jumapili January 24, 2016,kwa mechi tatu pia, Yanga SC na Friends Rangers Uwanja wa Taifa, Dar es Salaam, Mji Njombe na Tanzania Prisons Uwanja wa Amaan, Njombe na Stand United na Mwadui FC Uwanja wa Kambarage, Shinyanga.

RATIBA KOMBE LA AZAM SPORTS HD – TFF

Januari 23, 2016.

Burkina Faso 0 - 3 Simba SC (Jamhuri, Morogoro)

Pamba 1 - 4 Toto Africans (Kirumba, Mwanza)

Ndanda FC 5 - 0 Mshikamno (Nagwanda, Mtwara)

Januari 24, 2016.

Yanga SC Vs Friends Rangers (Taifa, Dar es Salaam)

Njombe Mji Vs Prisons (Amaan, Njombe)

Stand Untd Vs Mwadui FC (Kambarage, Shinyanga)

Januari 25, 2016.

Kagera Sugar Vs Rhino Rangers (Mwinyi, Tabora)

Panone FC Vs Madini (Ushirika, Moshi)

African Lyon Vs Azam FC (Karume, Dar es Salaam)

Januari 26, 2016.

Mtibwa Sugar Vs Abajalo FC (Jamhuri, Morogoro) Lipuli Vs JKT Ruvu (Wambi, Mafinga)

African Sports Vs Coastal U (Mkwakwani, Tanga)

Geita Gold Vs Mgambo JKT (Nyankumbu, Geita)

Januari 27, 2016.

Singida United Vs Mvuvuma (Namfua, Singida)

Februari 1, 2016.

Wenda FC Vs Mbeya City (Sokoine, Mbeya)

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630 .