LIGI KUU VODACOM 2015/2016:-Yanga SC waitandika Coastal Union 2 – 0 na kupanda Kileleni mwa Msimamo.

Mshambuliaji Donald Ngoma akipongezwa na Mzimbabwe mwenzake, Thabani Kamusoko baada ya kufunga bao la pili, Yanga SC ikiichapa 2-0 Coastal Union.

Na Prince Akbar, DAR ES SALAAM

MABINGWA watetezi, Yanga SC wameanza vizuri msimu mpya wa 2015/2016 wa Ligi Kuu ya Vodacom Tanzania Bara baada ya kuibuka na ushindi wa mabao 2-0 dhidi ya Coastal Union Uwanja wa Taifa, Dar es Salaam leo September 13,2015 majira ya Jioni.

 Matokeo hayo yanaipeleka Yanga SC kileleni mwa Ligi Kuu baada ya mechi nane za mzunguko wa kwanza, ikiongoza kwa wastani wa mabao.

Mchezaji bora na mfungaji bora wa LigiKuu msimu uliopita 2014/2015, Simon Happygod Msuva ndiye aliyefunga bao la kwanza la Yanga SC msimu huu, dakika ya saba akimalizia pasi ya Amisi Tambwe.

Simon Msuva (kushoto) akishangilia baada ya kufunga bao la kwanza

Beki wa Yanga SC, Mwinyi Hajji Mngwali (kushoto) akiwatoka wachezaji wa Coastal Union

Beki wa Coastal, Tumba Lui Swedi akiondosha mpira miguuni mwa winga wa Yanga SC, Godfrey Mwashiuya

Mshambuliaji wa Yanga SC, Donald Ngoma akiwania mpira dhidi ya beki wa Coastal, Yassin Mustafa .

Mzimbabwe Donald Ngoma akaifungia Yanga SC bao la pili dakika ya 42 na ushei akimalzia mpira uliodondoka baada ya kugongwa kwa kichwa na beki wa Coastal, Tumba Lui Swedi aliyeruka na Mrundi Amisi Tambwe kugombea krosi ya Simon Msuva.

Kipindi cha pili, Coastal Union walibadilika na kucheza vizuri, lakini wakaishia kupoteza nafasi nzuri mbili kupitia kwa mshambuliaji wa zamani wa SImba SC, Ally Ahmed ‘Shiboli’.

Azam FC 2-1 Tanzania Prisons (Azam Complex, Chamazi)

African Sports 0-1 Simba (Mkwakwani, Tanga)

Ndanda FC 1-1 Mgambo JKT (Nangwanda Sijaona, Mtwara)

Toto Africans 1-0 Mwadui FC (CCM Kirumba, Mwanza)

Stand United 0-1 Mtibwa Sugar (Kambarage, Shinyanga)

Majimaji FC 1-0 JKT Ruvu (Majimaji, Songea)

Mbeya City FC 0-1 Kagera Sugar

	Rnk		Team	MP	W	D	L	GF	GA	+/-	Pts
	1		Young Africans	1	1	0	0	2	0	2	3
	2		Azam	1	1	0	0	2	1	1	3
	3		Kagera Sugar	1	1	0	0	1	0	1	3
	3		Majimaji	1	1	0	0	1	0	1	3
	3		Mtibwa Sugar	1	1	0	0	1	0	1	3
	3		Simba SC	1	1	0	0	1	0	1	3
	3		Toto African	1	1	0	0	1	0	1	3
	8		Mgambo JKT	1	0	1	0	1	1	0	1
	9		Tanzania Prisons	1	0	0	1	1	2	-1	0
	10		African Sports	1	0	0	1	0	1	-1	0
	10		JKT Ruvu	1	0	0	1	0	1	-1	0
	10		Mbeya City	1	0	0	1	0	1	-1	0
	10		Mwadui	1	0	0	1	0	1	-1	0
	10		Stand United	1	0	0	1	0	1	-1	0
	15		Coastal Union	1	0	0	1	0	2	-2	0

 

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.