KUVAMIWA KITUO CHA POLISI BUKOMBE:- Tazama Picha za Silaha zilizokamatwa baada ya kuibiwa pamoja na Jambazi Moja linalodaiwa kuua Polisi .

Bunduki zilizonaswa na Polisi kutoka kwa majambazi ambao  walizipora kutoka kwenye Kituo cha Polisi cha Bushirombo wilayani Bukombe.

Silaha zilizokamatwa kuwa ni pamoja na bunduki sita aina ya SMG, pump action tatu na mabomu 11 ya machozi.

Jeshi la Polisi nchini tayari limetangaza dau  la shilingi millioni 10 kwa mtu yeyote atakaye fanikisha kuwakamata au kuwabaini waliohusika na vitendo hivyo. 

Aidha  Jeshi la Polisi mkoani Geita, limefanikiwa kulitia mbaroni jambazi moja na kufanikisha kuzinasa pamoja na sihala hizo  ambazo ziliporwa na kundi la majambazi usiku wa kumkia Septemba 06,2014, katika kituo cha polisi wilayani Bukombe.

Inspekta Jenerali wa Jeshi la Polisi (IGP), Ernest Mangu, alisema jambazi hilo lilinaswa porini likiwa na silaha hizo ambazo ziliporwa baada ya kuvamia kituo hicho na kuua polisi wawili papo hapo na kujeruhi wengine wawili.

“Hawa majambazi wameonekana kujichanganya na wafugaji waliopo mipakani, hivyo uhalifu wao wakifanya wanakimbilia kwa wafugaji…natangaza kuanzia sasa wale wafugaji waliopo pembezoni mwa mipaka kuondoka mara moja ili kutowapa nafasi majambazi kujificha,” alisema Mangu.

Hata hivyo, IGP Mangu alisema baadhi ya mapori ya akiba katika mikoa ya Kagera, Geita, Kigoma na Shinyanga yamegeuzwa maficho ya wahalifu na mikakati inafanyika  kutafuta ufumbuzi wa kudumu badala ya ukanda wa mapori hayo kutangazwa kanda maalum ya mikoa ya kipolisi.

Akikwepa kulihusisha tukio hilo la kuvamiwa kwa kituo cha polisi na kuuawa kwa polisi wawili na kujeruhi wengine na kuondoka na silaha mbalimbali zikiwamo bunduki aina ya SMG, risasi na mabomu ya kutupa kwa mkono, alisema matokeo ya uchunguzi ndiyo yatabainisha ukweli halisi.

Alisema baadhi ya wahalifu hutoka nchi jirani na kushirikiana na baadhi ya wenyeji  kwa kutumia mapori ya akiba na baadhi ya hifadhi kujificha kabla na baada ya kutekeleza uhalifu wao.

Alisema operesheni rasmi ya kuwasaka watuhumiwa waliohusika na tukio la uvamizi wa kituo cha polisi cha Bushirombo umeanza baada ya kikao cha kamati ya ulinzi na usalama cha mkoa wa Geita kufanyika .

Wakazi wa mji wa vitongoji vya Bukombe mkoani Geita na maeneo jirani wakiwa katika kituo cha Polisi Bukombe kuaga miili ya askari wawili waliouawa kwa bomu juzi usiku baada ya majambazi kuvamia kituo hicho na kuwashambulia kisha kupora silaha.

Septemba 06,2014, watu wanaoaminika ni majambazi walivamia kituo cha polisi cha Bukombe ambacho makao makuu ya polisi wilaya ya Bukombe, kushambulia na kuwaua polisi WP 7106 Uria Mwandiga na G.2615 Pc Dustani Kimati.

Waliojeruhiwa ni E.5831 CPL David Ngupama Mwalugelwa aliyeumizwa kichwa na usoni  pamoja na kung’olewa meno mawili, huku H.627 Mohamed Hassani akijeruhiwa kifuani.

UKIONA TUKIO LOLOTE LINATOKEA USISITE KUTUTUMIA PICHA KUPITIA WhatsApp:- 0789-925-630.

 

 Like ukurasa wetu wa facebook  ili habari ziwe zinakuijia punde tu zinapoweka kwenye mtandao huu BONYEZA HAPA