KOMBE LA DUNIA 2014:-Costa Rica yashinda kwa Penati 5-3 yatinga robo fainali sasa kuchukana na Uholanzi Julai 05,2014.

Timu ya Taifa ya Uholanzi imefanikiwa kuingia hatua ya robo Fainali ya Kombe la Dunia 2014,baada ya kuifunga Mexico mabao 2-1 ikitoka nyuma ya bao 1-0 jana June 29,2014 nchini Brazil.

Mchezaji wa Uholanzi  Klaas-Jan Huntelaar alifunga kwa penalti bao la ushindi dakika ya nne ya muda wa nyongeza baada ya dakika 90 za kawaida, baada ya Arjen Robben kuangushwa kwenye boksi  na Marquez huku Wesley Sneidjer aliifungia bao la kusawazisha kwa Uholanzi dakika ya 88 kufuatia
Giovani dos Santos kutangulia kuifungia Mexico dakika ya 48.

Nao Costa Rica wametinga Robo Fainali ya Kombe la Dunia kwa mara ya kwanza katika Historia baada kuitoa Ugiriki kwa  Penati 5-3  baada ya kutoka sare ya Bao 1-1 katika Dakika 90 huku Sokratis Papastathopoulos akaisawazishia Ugiriki kwenye Dakika za Nyongeza na mchezo kwenda Dakika za Nyongeza 30 bila kupata Mshindi.

Costa Rica ndio waliotangulia kupata Bao kupitia Bryan Ruiz aliefunga kwenye Dakika ya 52.

Kwenye Mikwaju ya Penati Tano Tano, Costa Rica walifunga Penati zao 4 za kwanza lakini Theofanis Gekas akakosa Penati ya 4 ya Greece na Michael Umana kupiga ya 5 kwa Costa Rica na kuwapa ushindi kwa Penati 5-3.

Costa Rica, ambao walitoka Kundi gumu la Uingereza, Italia na Uruguay, ambao wote ni Mabingwa wa zamani wa Dunia, sasa wapo Robo Fainali na Mabingwa hao wote wamebwagwa nje na watakutana na Uholanzi hapo Jumamosi Julai

Robben, akiongea na TV za Nchini kwao Holland, alisema: “Inabidi niombe radhi. Kipindi cha Kwanza nilijiangusha. Lakini ile mwishoni ni Penati.”

Arjen Robben akiruka kwenda chini na refa Mreno, akawapa penalti Uholanzi dakika za majeruhi na Robben ameomba radhi kwa kujiangusha kwenye Mechi hiyo ya Raundi ya Pili ya Mtoano ya Kombe la Dunia huko Brazil ambapo Nchi yake Uholanzi iliibwaga Mexico 2-1 na kutinga Robo Fainali lakini.

Penati hiyo ilitolewa Dakika ya 94 na kufungwa na Klaas Jan Huntelaar baada ya Refa Pedro Proenca wa Portugal kuamua Beki na Nahodha wa Mexico, Rafael Marquez, alimwangusha Robben.

KOMBE LA DUNIA 2014.

RAUNDI YA PILI YA MTOANO

**Saa za Bongo.

JUMAMOSI, JUNI 28, 2014
SAA		MECHI NA	MECHI			UWANJA		MJI
1900		49	Brazil 1 - 1 Chile , Penati 3-2			Mineirão		Belo Horizonte
2300		50	Colombia 2 - 0 Uruguay			Maracanã		Rio de Janeiro
JUMAPILI, JUNI 29, 2014
SAA		MECHI NA	MECHI			UWANJA		MJI
1900		51	Netherlands 2 - 1 Mexico			Castelao		Fortaleza
2300		52	Costa Rica 1-1 Greece,Penati 5-3			Pernambuco		Recife
JUMATATU, JUNI 30, 2014
SAA		MECHI NA	MECHI		UWANJA			MJI
1900		53	France v Nigeria		Nacional			Brasilia
2300		54	Germany v Algeria		Beira-Rio			Porto Alegre
JUMANNE, JULAI 1, 2014
SAA		MECHI NA	MECHI		UWANJA			MJI
1900		55	Argentina v Switzerland		Corinthians			Sao Paulo
2300		56	Belgium v USA		Fonte Nova			Salvador
ROBO FAINALI-IJUMAA, JULAI 4, 2014.
SAA	MECHI			KUNDI			UWANJA
1900	Mshindi 53 v Mshindi 54 [57]			ROBO FAINALI			Estadio do Maracanã, Rio de Janeiro
2300	Brazil v Colombia [58]			ROBO FAINALI			Estadio Castelão, Fortaleza
JUMAMOSI, JULAI 5, 2014
SAA	MECHI			KUNDI			UWANJA
1900	Mshindi 55 v Mshindi 56 [59]			ROBO FAINALI			Nacional, Brasilia
2300	Uholanzi v Costa Rica 52 [60]			ROBO FAINALI			Arena Fonte Nova, Savador
NUSU FAINALI-JUMANNE, JULAI 8, 2014.
SAA	MECHI			KUNDI			UWANJA
2300	Mshindi 57 v Mshindi 58 [61]			NUSU FAINALI			Estadio Mineirão, Belo Horizonte
JUMATANO, JULAI 9, 2014
SAA	MECHI			KUNDI			UWANJA
2300	Mshindi 59 Mshindi 60 [62]			NUSU FAINALI			Arena Corinthians, Sao Paulo
MSHINDI WA TATU-JUMAMOSI, JULAI 12, 2014.
SAA	MECHI			KUNDI			UWANJA
2300	Aliefungwa 61 v Aliefungwa 62			MSHINDI WA 3			Nacional, Brasilia
FAINALI-JUMAPILI, JULAI 13, 2014.
SAA	MECHI			KUNDI			UWANJA
2200	Mshindi Mechi 61 v Mshindi Mechi 62			FAINALI			Estadio do Maracanã, Rio de Janeiro

Wachezaji wa Costa Rica wakimpongeza mwenzao, Bryan Ruis baada ya kufunga bao la kuongoza katika sare ya 1-1 na Ugiriki Kombe la Dunia hatua ya 16 Bora. Costa Rica imeenda Robo Fainali kwa ushindi wa penalti 5-3 baada ya sare hiyo ndani ya dakika 120 na sasa itamenyana na Uholanzi, ambayo mapema iliitoa Mexico kwa kuifunga mabao 2-1.