SOMA/PICHA:-Hiki ndio kisa cha Vijana wawili kunusurika kuuawa –Mei 04,2014,Mjini Biharamulo.

..........Baadhi ya wananchi wa Biharamulo mjini wakifatilia tukio hilo...lililotokea mchana wa Jana Mei 04,2014…..

Vijana wawili wamenusurika kufa baada ya kuokolewa na Jeshi la Polisi Mjini Biharamulo kutokana mikononi mwa wananchi wenye hasira waliokuwa wakiwapiga baada ya kutapeli kiasi cha shili Laki 2 kutoka katika Kontena la huduma za Simu za Vodacom na M Pesa.

Tukio hilo limetokea Mchana wa Mei 04,2014, Mjini Biharamulo baada ya kijana aliyefahamika kwa jina la Anold Albogust na mwenzake aliyetambulika kwa jina moja la Godfrey kuingia katika Kontena hilo wakitaka kuweka fedha kwenye akaunt ya M Pesa,ambapo baadae mhudumu wa kontena hilo aligundua mbinu za kitapeli kwa vijana hao na kuomba msaada kwa Mgambo wa eneo hilo.

Mmiliki wa Kontena hilo Bi. Zeuda Jackob ameiambia Radio kwizera kuwa huenda vijana hao ni vibaka wazoefu kulingana na mbinu walizotumia,kwani wakati wakijariibu kumtapeli walikuwa na Sanduku lisilokuwa na kitu kwa ndani.

Hata hivyo,licha ya kupigwa na wananchi wenye hasira kali waliofika eneo la tukio muda mfupi, Jeshi la polisi lilifika na kuwachukua mara moja vijana hao ambao pia walikuwa na pikipiki. 

Habari Na Mdau wetu:-Juventus Juvenary-BIHARAMULO.