 |
|
Mshambuliaji wa Ngorongoro Heroes, Saad Kipanga, akiwania mpira na beki
wa Nigeria, Omego Izuchukwu, wakati wa mchezo wa kuwania tiketi ya kucheza
michuano ya Afrika kwa timu za chini ya Umri wa miaka 20 ambapo Fainali za
Mashindano haya zitachezwa Nchini Senegal kuanzia Machi 8 hadi 22 Mwaka 2015 na
Timu zitakazotinga Nusu Fainali zitaiwakilisha Afrika kwenye Kombe la Dunia,
2015 FIFA U-20 World Cup, huko Nchini New Zealand.
|
Nchi 28 za
Afrika zimeshiriki Raundi ya Mtoano ya Mashindano ya CAF kwa Vijana wa chni ya
Miaka 20, Orange CAF U-20 Africa Youth Championship Senegal 2015, na Tanzania,
ikiwa na Timu yake Ngorongoro Heroes, ikicheza Jumapili (May 11, 2014) Jijini
Dar es Salaam na Nigeria wameibuka na
ushindi wa mabao 2-0 na kuondosha matumaini ya Ngorongoro kushinda katika
mchezo wa marudiano unaotarajia kuchezwa Nigeria.
Ngorongoro
Heroes katika mchezo wa marudiano wana kibarua kigumu kwani Nigeria ndio wenye
Rekodi kwenye michuano hii kwa kutwaa Kombe hili mara 6 wakifuatiwa na Egypt
waliolitwaa mara 4.
Kipa wa
pili, Peter Manyika Peter alifungwa bao la kwanza dakika ya tano tu tangu
aingie na Yahya Musa, aliyemalizia krosi ya chinichini ya Muhamed Musa dakika
ya 50.
Nigeria
walifanya shambulizi la kushitukiza na kufanikiwa kupata bao la pili,
lililoinyong’onyesha kabisa Tanzania kupitia kwa mchezaji wao Awoinyi Taiwo
baada ya kutumia vizuri makosa ya beki Pato Ngonyani aliyechelewa kuondosha
mpira kwenye eneo la hatari.
Kwa matokeo hayo, Ngorongoro itatakiwa kushinda mabao 3-0 ugenini Mei 23 ili kusonga mbele, au ishinde 2-0 na mshindi wa jumla aamuliwe kwa mikwaju ya penalti.
No comments:
Post a Comment