MWENGE WA UHURU 2014-KAGERA:-Tazama Picha za matukio mbalimba ya Mwenge wa Uhuru 2014 wilayani Muleba mkoani Kagera –Mei 03,2014.

Kushoto ni Mkuu wa wilaya ya Muleba mkoani Kagera ,Bw.Lambris Kipuyo akikabidhiwa Mwenge wa uhuru na Mkuu wa wilaya ya Bukoba Manispaa,Bi.Zipora Pangani katika eneo la Kagondo ambapo Mwenge huo wa Uhuru ukiwa wilayani Muleba Mei 03,2014,Umezindua na kufungua  miradi mitano yenye thamani ya Sh Milioni305,970,235 kwa ajili ya maendeleo ya wananchi wilayani humo..Picha zote Na:-Shabani Ndyamukama-Muleba.

Wakimbiza Mwenge wa Uhuru 2014 Kitaifa  wakiimba na kucheza pamoja na Wanafunzi wa Shule ya Msingi Kamachumu,wilayani Muleba mkoani Kagera Mei 03,2014 ambapo Mwenge huo ulikesha kabla ya kesho yake Mei 04,2014 kukabidhiwa wilayani Bukoba Vijijini kuendelea na Mbio zake.

Kiongozi wa mbio za Mwenge wa Uhuru 2014 ,Kitaifa  Bi.Rachel Steven Kassanda akihutubia Wananchi wa Kijiji cha Kabale wilayani Muleba mkoani Kagera na kuwataka kufuata kanuni bora za Afya pamoja na  matumizi sahihi ya vyandarua  ili kujikinga na ugonjwa wa maralia ambao unapunguza nguvu kazi ya taifa kwa kusababisha vifo vya watoto na wanawake  wajawazito.

Picha juu na chini ni Kiongozi wa mbio za Mwenge wa Uhuru 2014 ,Kitaifa  Bi.Rachel Steven Kassanda akigawa Vyandarua vyenye Viatilifu kwa Watoto wadogo chini ya miaka mitano na akina Mama wajawazito katika Kijiji cha  Kabale wilayani Muleba mkoani Kagera wakati akifungua zahanati ya kijiji hicho iliyojengwa kwa thamani ya Sh.73,813,535/-

Wafanya biashara wa Ng’ombe wakiingiza mifugo kwenye Mnada wa Mifugo wa Mubunda wilayani Muleba mkoani Kagera uliofunguliwa na Mwenge wa Uhuru 2014,ukijengwa kwa thamani ya Sh.Milioni 40, na umeelezwa kuwa utawanufaisha wananchi kutoka wilaya za Muleba, Bukoba vijijini na Karagwe huku ukitarajiwa  kuhudumia ng’ombe 120,280, mbuzi 136,074  pamoja na kondoo 17,368.

Mkuu wa wilaya ya Bukoba manispaa Zippora Pangani akikabidhi Mwenge wa uhuru Mkuu wa wilaya ya Muleba Lamblis Kipuyo  katika uwanja wa Kagondo wilayani Muleba Mei 03,2014.

Bi.Rechel Steven Kasanda ,mkimbiza Mwenge wa Uhuru 2014,kitaifa akipokea zawadi kutoka kwa Mkuu wa wilaya ya Muleba ,Bw.Lambris Kipuyo katika uwanja wa kagondo Mei 03,2014.

Aidha Mkuu wa wilaya ya Bukoba Manispaa ,Bi.Zipporah Pangani  amesema mwenge ukiwa Manispaa ya Bukoba, ulizindua   na kukagua  miradi  tisa yenye thamani y Sh. Bilioni 2 na Milioni 432, 203,940  katika sekta ya Elimu,Barabara ,Maji ,Afya na Mazingira .

Kiongozi wa mbio za Mwenge  wa Uhuru 2014 ,Kitaifa  akisoma na kukabidhi hundi ya Sh.Milioni 1 na Laki 500,000/- kama  mchango wa mbio za mwenge katika miradi ya maendeleo wilayani Muleba.

Kiongozi wa mbio za Mwenge  wa Uhuru 2014 ,Kitaifa  akikabidhi hundi ya Sh.Milioni 1 na Laki 500,000/- kwa Mkuu wa Shule ya Sekondari Rutabo , kama  mchango wa mbio za mwenge kwa shule hiyo.

Picha Juu na Chini ni sehemu ya Mabango yenye ujumbe mbalimbali  kuhusu Rushwa kutoka kwa Wanafunzi wa Klabu ya Kupinga na Kupambana na Rushwa katika Shule ya Sekondari Rutabo ,iliyopo Kata ya Kamachumu wilayani Muleba mkoani Kagera , wakati wa Mbio za Mwenge wa Uhuru 2014 ulipofika na Kufungua Bweni la Wavulana Mei 03,2014 lililojengwa kwa Thamani ya Sh.Milioni 58.5...Picha zote Na:-Shabani Ndyamukama-Muleba.