Hekaheka yaanza Ulaya ni UEFA:-Jumanne ni Manchester Cityv/s FC Barcelona huku Jumatano Arsenal FC v/s Bayern Munich.

Cesc Fabregas ameposti picha hii katika Instagram yake akiwa na Alex Song, Gerard Pique na Carles Puyol kwenye ndege kwa ajili ya mechi dhidi ya City kesho jumanne februari 18,2014, usiku, kwa ajili ya Ligi ya Mabingwa Ulaya ikiwa ni mechi ya kwanza ya hatua ya 16 Bora, itakayopigwa Uwanja wa Etihad.

Baada ya kupotea tangu Desemba  mwaka jana yale Mashindano makubwa kwa Vilabu Barani Ulaya,  UEFA CHAMPIONZ  LIGI 2013/2014, yanarudi tena kuanzia Jumanne Februari 18 kwa Mechi za Kwanza za Raundi ya Mtoano ya Timu 16 na Bigi Mechi Siku hiyo ni kati ya Manchester City na Barcelona.

Raundi ya Mtoano ya Timu 16

RATIBA

[Saa za Bongo]

Jumanne Februari 18 ,2014.

22:45 Manchester City v FC Barcelona

22:45 Bayer 04 Leverkusen v Paris Saint-Germain

Jumatano Februari 19,2014.

22:45 AC Milan v Atletico de Madrid

22:45 Arsenal FC v Bayern Munich

MANCHESTER CITY FC V FC BARCELONA

-Timu hizi hazijakutana katika Mashindano rasmi lakini zimeshacheza Mechi za Kirafiki mara 6.

-Barca walishinda Mechi 3 za kwanza, wakafungwa ya nne kwa Penati baada ya Sare ya 1-1 na Man City kushinda Mechi mbili za mwisho ikiwemo ile ya Tarehe 10 Agosti 2003 , Siku ya Ufunguzi wa City of Manchester Stadium, na City kushinda Bao 2-1 kwa Bao za Nicolas Anelka na Trevor Sinclair na la Barca kufungwa na Javier Saviola.

Kwenye Kikosi cha Barca Siku hiyo walicheza Carles Puyol na Xavi Hernández na Iniesta kuingia Kipindi cha Pili.

Mechi ya mwisho kukutana ni ile ya Kirafiki Agosti 2009 ambayo Man City walishinda 1-0 kwa Bao la Martin Petrov na Siku hiyo Yaya Touré, ambae sasa yuko City, alichezea Barca na Mchezaji pekee wa City hivi sasa aliecheza Siku hiyo ni Pablo Zabaleta.

BAYER 04 LEVERKUSEN V PARIS SAINT-GERMAIN

-PSG walifunga Bao 16 kwenye hatua ya Makundi lakini Leverkusen hawajawahi kufungwa na Klabu yeyote toka France katika Mechi mbili za Mtoano kwenye Mashindano ya Ulaya.

ARSENAL FC V FC BAYERN MÜNCHEN

-Msimu uliopita, Bayern waliichapa 3-1 Arsenal Nyumbani kwao Emirates katika Mechi ya Kwanza ya Raundi ya Mtoano ya Timu 16 ya Mashindano haya.

-Hii na mara ya 4 kwa Bayern kucheza England katka Miezi 12 iliyopita na wameshinda Mechi 3 ikiwemo Fainali ya UCL walipowafunga wenzao Borussia Dortmund Mwezi Mei Mwaka Jana Uwanjani Wembley.

AC MILAN V CLUB ATLÉTICO DE MADRID

-Kocha mpya wa AC Milan, Clarence Seedorf ameshatwaa Kombe la UCL akiwa na AFC Ajax, Mwaka 1995, Real Madrid CF,1998, na akiwa na AC Milan, Miaka ya 2003 na 2007 akiwa ndie Mchezaji pekee kutwaa Kombe hili akiwa na zaidi ya Klabu mbili tofauti.

FC ZENIT V BORUSSIA DORTMUND

-Zenit wapo hatua hii kwa mara ya pili katika Historia yao lakini wamefika hapa wakati wameambua Pointi 6 tu hatua ya Makundi na hizo ni Pointi chache katika Historia ya UCL kufuzu kuingia Hatua ya Mtoano.

Kwenye Hatua ya Makundi walitoka Sare Mechi zao zote 3 za Nyumbani kwa kutoka 0-0 na FK Austria Wien na 1-1 na FC Porto na Atlético Madrid.

OLYMPIACOS FC V MANCHESTER UNITED FC

-Man United wameshinda Mechi zote 4 walizokutana na Olympiacos huko nyuma kwa kushinda 2-0 Ugenini na 3-0 Old Trafford Hatua ya Makundi ya UCL Msimu wa 2001/02 na kushinda 4-0 Old Trafford na 3-2 huko Piraeus Msimu uliofuatia wa UCL.

Ryan Giggs, ambae alicheza Mechi zote hizo 4, alifunga katika Mechi zote zilizochezwa Old Trafford.

FC SCHALKE 04 V REAL MADRID CF

-Real Madrid wameshinda mara moja tu katika Mechi 25 huko Nchini Germany, wakifungwa mara 18 ikiwemo kipigo cha 4-1 Msimu uliopita walipotwangwa na Borussia Dortmund kwenye Mechi ya Kwanza ya Nusu Fainali.

Mechi pekee Real waliyoshinda huko Germany ni Bao 3-2 walipocheza na Bayer Leverkusen Msimu wa 2000/01.

GALATASARAY AŞ V CHELSEA FC

-Straika wa Galatasaray, Didier Drogba, aikuwa Chelsea kati ya 2004 na 2012 – akicheza chini ya José Mourinho kuanzia Juni 2004 mpaka Septemba 2007 – na kufunga Bao 100 katika Mechi 226 za Ligi na kutwaa Ubingwa wa Ligi mara 3, FA CUP 4, Kombe la Ligi mara 2 na Mechi yake ya mwisho kwa Chelsea ni Fainali ya UCL Mwaka 2012 dhidi ya Bayern Munich ambapo kwenye Mikwaju Mitano ya Penati, Penati yake ya mwisho ndio iliwapa Chelsea Ubingwa wa Ulaya.

UEFA CHAMPIONZ LIGI 2013/2014.

Raundi ya Mtoano ya Timu 16

RATIBA

[Saa za Bongo]

Jumanne Februari 25 ,2014.

20:00 Zenit St. Petersburg v BV Borussia Dortmund

22:45 Olympiacos CFP v Manchester United

Jumatano Februari 26 ,2014.

22:45 Schalke 04 v Real Madrid CF

22:45 Galatasaray Spor Kulübü v Chelsea FC