Dimbwi hili la maji hutoka barabara kuu itokayo Rwanda katikati ya mji wa Benaco na kusambaa mitaani……..?

“Kwa dimbwi hili lililojaa maji , magonjwa ya kipindupindu ,minyoo na fungasi yako nje nje na kuhatarisha afya za watoto wetu hasa wale wa miaka 5 hadi 15 kwa kutumia maji hayo kuyachezea ‘’.

Baadhi ya wakazi wa mji huo wa Benaco wanasema maji hayo yamekuwepo takribani miezi miwili kutokana na sehemu yalikokuwa yakipita kuzibwa baada ya  kumwaga kifusi cha changarawe.

Dimbwi hili la Maji limesababisha hofu na kuwafanya Waumini wa msikiti wa Benaco uliopo Kata ya kasulo wilayani Ngara mkoani Kagera kulazimika kuifunga  madrasa ya watoto wanaojifunza dini ya kiislamu baada  ya eneo la shule kujaa maji kutokana mvua zinazoendelea kunyesha.

Diwani wa kata ya  Kasulo Dr. Philbert Kiiza alipoulizwa juu ya dimbwi hilo, alisema mamlaka ya kuondoa maji hayo ni Tanroads makao makuu ya mkoa  wa Kagera kwa kshirikiana na idara ya ujenzi na ardhi wilayani Ngara.

Alisema kuwa idara ya ardhi ilisha weka mipango miji kwa kugawa viwanja na wenye navyo kuwa na hati miliki hivyo baadhi ya meneo hayako kwenye mamlaka ya kijiji ama kata.

“Jirani wa msikiti aliyemwaga kifusi eneo la msikiti lisichukuliwe kuwa vita baina ya waislamu na wakristu kwa  kuwa yeye si mwislamu bali ni kukaa na kutatua kero hiyo kwa njia ya amani”.Alisema Afisa mtendaji.

Hata hivyo aliahidi kufuatilia kwa meneja wa Tanroads mkoani Kagera kwani  maji hayo hayasumbui waumini wa msikiti huo bali wananchi wote ambao nao wana hofu ya maji hayo kudhuru  maisha ya kila mmoja wao.