RIDHAA YA URAIS CCM:- Hizi ni Picha 11 za January Makamba akiendelea na safari yake ya kutafuta wadhamini mikoani.

January Makamba anasema,’’-Naendelea na safari yangu kutafuta wadhamini mikoani ili kutimiza hitaji la chama. Hii ni jana june 21,2015 mkoani Shinyanga............... Nawashukuru wana-CCM 6,200 wa Mkoa wa Shinyanga waliotia sahihi fomu zangu za udhamini. Imani na matarajio ya wananchi ni makubwa. Katika safari hizi mojawapo ya jambo ninalofanya ni kurudia kujadiliana na wananchi yale ambayo sisi kama serikali tutafanya na yale ambayo serikali na wananchi watafanya kwa pamoja. Wananchi wanaona nia na dhamira ya kutenda, na tunaeleweka vizuri sana.

January Makamba ameandika kupitia ukurasa wake wa Facebook kuwa,’’-Mwanza mmetia fora sana kwa mapokezi yenu, hamasa na udhamini wenu siku ya juzi June 20,2015! 

Asanteni sana kwa kuitikia wito na kujiunga na kampeni yetu. Huu ni wakati wa kizazi cha sasa kujenga ‪#‎TanzaniaMpya ya miaka 50 ijayo. Aina ya uongozi tutakaouchagua mwaka huu ndio utaamua mustakabali wa nchi yetu. 

Baada ya miaka 50 ya uongozi wa kizazi kilichopita, sasa ni wakati wa nchi yetu kuongozwa na viongozi wa aina mpya, wenye mtazamo mpya, fikra mpya, maarifa mapya na majawabu mapya. 

Na niko tayari kutengeneza na kuongoza timu madhubuti ya Watanzania wazalendo na waadilifu watakaounda Serikali itakayojenga kesho njema. Tunayo dhamira na uwezo wa kushinda na kuongoza mabadiliko makubwa ambayo Watanzania wanayatarajia.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.