UHALIFU:-Msanii Chid Benz akosa dhamana baada ya kupandishwa Mahakamani,kesi yake November 11,2014…Kisa Madawa ya Kulevya.

Msanii wa Hip Hop, Rshid Makwiro ‘Chidi Benzi’ akisindikizwa na askari Polisi wakati akiingia katika chumba cha Mahakama ya Hakimu Mkazi Kisutu jijini Jana October 28, 2014,Dar es Salaam kujibu mashtaka matatu likiwemo la kukutwa na dawa za kulevya kwenye Uwanja wa Ndege wa Kimataifa wa Julius Nyerere jijini Dar es Salaam.

Msanii wa Muziki wa Kizazi Kipya Rashidi Abdallah Makwiro maarufu kama Chid Benz, amefikishwa katika Mahakama ya Hakimu Mkazi Kisutu jijini Dar es Salaam kwa kosa la kukutwa na Dawa za kulevya aina ya Heroin yenye thamani ya Sh Elfu 38 na 638 na bangi ya Sh Elfu 1 na 720.

Mbele ya Hakimu Mkazi Mkuu Warialwande Lema, Wakili wa Serikali Mwanaamina Kombakono amedai kuwa Octoba 24 mwaka huu katika uwanja wa ndege wa kimataifa wa Mwalimu Julius Nyerere jijini Dar es Salaam Mshtakiwa alikamatwa akiwa na Dawa hizo kinyume cha sheria

Katika kosa lingine Wakili huyo amedai kuwa, siku na eneo la tukio, mshtakiwa alikutwa akiwa na vifaa vinavyotumika kuvuta dawa za kulevya aina ya heroin, kigae na kijiko huku akijua ni kosa kisheria

Mshtakiwa amekana mashtaka yote yanayomkabili na amerudishwa rumande hadi Novemba 11 kesi yake itakapotajwa tena, baada ya kushindwa kutimiza masharti ya dhamana yaliyomtaka kuwa na wadhamini wawili wanaotoka kwenye taasisi zinazoaminika na dhamana ya Sh. Milioni moja.

Karibu kwenye familia ya Makonda Blog na uzipokee Picha/Habari zote kwa kutumiwa Mchana /Usiku baada tu ya kujiunga kwa kubonyeza hapa mtu wangu >>>BONYEZA HAPA.>>>Pia tutumie tukio la Picha kwa WhatsApp +255789925630.