EPL 2015/2016:- Septemba 19,2015,Manchester City 1-2 West Ham.. Chelsea 2 - 0 Arsenal

Hapo jana September 19,2015, West Ham waliwatandika Vinara wa Ligi Kuu England Manchester City Bao 2-1 wakiwa kwao Etihad na kuwaonjesha kipigo chao cha kwanza kwenye Ligi Msimu huu wa 2015/2016.

Kipigo hiki pia ni cha pili mfululizo kwa Man City ambao walichapwa 2-1 na Juventus hapo hapo Etihad kati Mechi ya Kundi lao la UEFA.

Katika Mechi yao ya kwanza Msimu huu, West Ham, wakicheza Ugenini huko Emirates, waliifunga Arsenal 2-0 na kisha huko Anfield kuibamiza Liverpool 3-0.

Nao Mabingwa watetezi Chelsea wameanza kufufua matumaini ya kutetea Taji lao baada ya kuwafunga Mahasimu wao wa Jijini London Arsenal Bao 2-0 katika Mechi ya Ligi Kuu iliyochezwa Uwanjani Stamford Bridge.

Baada ya kuanza kwa kufungwa Mechi 3, Sare 1 na Kushinda 1 tu, Chelsea walikamia ushindi na Kipindi cha Pili Dakika ya 53, Frikiki ya Fabregas iliunganishwa kwa Kichwa na Kurt Zouma na kuwapa Chelsea Bao.

Dakika ya 79, Arsenal walibaki Mtu 9 baada ya Kiungo wao Santi Cazorla kupewa Kadi ya Njano ya Pili na kutolewa nje kwa Kadi Nyekundu.

Eden Hazard aliipa Chelsea Bao lao la pili katika Dakika ya 91 baada ya Shuti lake kumbabatiza Alex Oxlade-Chamberlain na kutinga.

LIGI KUU UINGEREZA 2015/2016 - RATIBA

Jumapili Septemba 20,2015.

1530 Tottenham v Crystal Palace           

1800 Liverpool v Norwich     

1800 Southampton v Man United

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.