Sunday, May 14, 2017

Home MICHEZO Manchester United yachapwa 2-1 huku Mashabiki wa Spurs na Furaha ya kuuga Uwanja wa Miaka 118.

Manchester United yachapwa 2-1 huku Mashabiki wa Spurs na Furaha ya kuuga Uwanja wa Miaka 118.

Anonymous Sunday, May 14, 2017 MICHEZO,

Ligi kuu soka Nchini Uingereza imechezwa leo May 14,2017 kwa Manchester United kuzabwa bao 2-1 huko White Hart Lane Jijini London na kuipa Tottenham Hotspur njia laini kushinda kwenye Mechi yao ya mwisho Uwanjani hapo ambao utafungwa kwa Matengenezo makubwa na kuunganishwa na Uwanja Mpya Jirani na huo.

Tottenham walifunga Bao zao kupitia Victor Wanyama, Dakika ya 6, na Harry Kane, Dakika ya 48, huku Man United wakipata Bao lao Dakika ya 71 kupitia Kepteni wao Wayne Rooney.

Katika mechi hii, Manchester United hawakuipa nguvu sana kwa kuchezesha kikosi chepesi na kuelekeza nguvu zao kwenye Fainali ya UEFA EUROPA League 2016/2017 ambayo watacheza na Ajax ya Uholanzi May 28, 2017.

Ushindi huu umewaweka Tottenham Hotspur nafasi ya Pili kwa Pointi 80 nyuma ya Mabingwa wapye wa 2016/2017 Chelsea wenye Pointi 87,Liverpool walioshinda bao 4-0 dhidi ya West Ham United wakijikita nafasi ya tatu na Pointi 73,Manchester City walioshinda bao 2-1 kwa Leicester City wakikaa nafasi ya nne kwa Pointi 72 ,Arsenal ya tano na Pointi 69 baada ya kushinda 4-1 dhidi ya Stoke City huku Manchester United ikiwa ya sita na Pointi zake 65.

Mara baada ya Mechi kwisha, Mashabiki wa Spurs walivamia Uwanjani kuuga Uwanja wao kama Picha hapa chini nimekuwekea zikionesha zaidi.

BOFYA HAPA KUZITAZAMA .